പോക്സോ കേസുകളില് ശിക്ഷ ഉറപ്പാക്കുന്നതിന് അന്വേഷണം കൂടുതല് ഫലപ്രദമാക്കുന്നതിനുള്ള നടപടികള് സ്വീകരിക്കണമെന്ന് സംസ്ഥാന പൊലീസ് മേധാവി
കുട്ടികള്ക്കെതിരെയുള്ള അതിക്രമങ്ങളുമായി ബന്ധപ്പെട്ട പോക്സോ കേസുകളില് ശിക്ഷ ഉറപ്പാക്കുന്നതിന് അന്വേഷണം കൂടുതല് ഫലപ്രദമാക്കുന്നതുള്പ്പെടെയുള്ള നടപടികള് സ്വീകരിക്കണമെന്ന് സംസ്ഥാന പൊലീസ് മേധാവി ലോക്നാഥ് ബെഹ്റ പോലീസ് ഉദ്യോഗസ്ഥര്ക്ക് നിര്ദേശം നല്കി. സംസ്ഥാനത്തെ ക്രമസമാധാനപാലനവും കുറ്റാന്വേഷണ പുരോഗതിയും വിലയിരുത്തുന്നതിന് പൊലീസ് ആസ്ഥാനത്ത് ചേര്ന്ന ഉന്നതതല യോഗത്തിലാണ് അദ്ദേഹം ഈ നിര്ദേശം നല്കിയത്. പൊതുവേ, കുറ്റകൃത്യങ്ങളിലുള്ള ശിക്ഷാ നിരക്കില് കേരളം ഇന്ത്യയില് ഒന്നാമതാണെങ്കിലും പോക്സോ കേസുകളില് ശിക്ഷാ നിരക്ക് കുറവാണെന്നത് ആശങ്കപ്പെടുത്തുന്നതാണ്. ഇക്കാര്യം അന്വേഷണ ഉദ്യോഗസ്ഥര് പ്രത്യേകം ശ്രദ്ധിക്കണം.
സ്ത്രീകള്ക്കും കുട്ടികള്ക്കുമെതിരെയുള്ള അതിക്രമങ്ങള് തടയാനുള്ള നടപടികള് കൂടുതല് ശക്തിപ്പെടുത്തുകയും അതിക്രമങ്ങള് പരമാവധി കുറച്ചുകൊണ്ടുവരുകയും വേണം' അദ്ദേഹം വ്യക്തമാക്കി
വിവിധ ജില്ലകളിലെ ക്രമസമാധാന നിലയും കുറ്റാന്വേഷണ പുരോഗതിയും െ്രെകം കോണ്ഫറന്സില് വിലയിരുത്തി. മിക്കവാറും എല്ലാ പ്രധാന കുറ്റകൃത്യങ്ങളിലെയും പ്രതികളെ നിയമത്തിനു മുന്നില് കൊണ്ടുവരാന് കഴിഞ്ഞിട്ടുണ്ട്. പ്രതികളെ അറസ്റ്റ് ചെയ്യുന്നതോടൊപ്പം കേസുകളില് പ്രതികള്ക്ക് ശിക്ഷ ഉറപ്പാക്കുന്നതും അന്വേഷണ മികവിന്റെ തെളിവാണ്. ഈ ലക്ഷ്യത്തോടെ അന്വേഷണം കൂടുതല് ശാസ്ത്രീയമാക്കുന്നതിനുള്ള നടപടികള് യോഗം ചര്ച്ച ചെയ്തു.
https://www.facebook.com/Malayalivartha
