കൊല്ലം പത്തനാപുരം സ്വദേശി പ്രവീണ് ഇന്ന് രാവിലെ തിരുവനന്തപുരം വിമാനത്താവളത്തിലെത്തി, വീട്ടുകാരും നാട്ടുകാരും സ്വീകരിച്ചു
പാകിസ്ഥാന് പൗരന്മാരുടെ ചതിയില് അകപ്പെട്ട് മൂന്നര വര്ഷമായി കെനിയന് ജയിലില് അകപ്പെട്ട പത്തനാപുരം സ്വദേശി പ്രവീണ് മടങ്ങിയെത്തി. ഇന്ന് രാവിലെ 11ന് തിരുവനന്തപുരം എയര്പോര്ട്ടില് പ്രവീണ് എത്തിയപ്പോള് സ്വീകരിക്കാന് വീട്ടുകാരും സുഹൃത്തുക്കളും ബന്ധുക്കളും എത്തിയിരുന്നു. ലഹരിവസ്തുക്കള് കടത്തിയെന്ന കേസിലാണ് പ്രവീണ് കെനിയയില് ജയിലിലായത്.
നിരപരാധിത്വം തെളിഞ്ഞതോടെ പ്രവീണിനെ മോചിപ്പിക്കാന് കഴിഞ്ഞ ദിവസം കെനിയന് കോടതി ഉത്തരവിട്ടിരുന്നു. 2014ലാണ് പ്രവീണ് ജയിലിലായത്. ഇറാന് കപ്പലിലില് പരിശീലനം നടത്തുന്നതിനിടെയായിരുന്നു സംഭവം. കപ്പലില് നിന്ന് ലഹരി പദാര്ത്ഥങ്ങള് പിടിച്ചെടുത്തതിനെ തുടര്ന്ന് പ്രവീണ് അടക്കം 12 പേര് അറസ്റ്റിലായിരുന്നു. മലയാളി അസോസിയേഷനും പത്തനാപുരത്തെ മറൈന്ഫോറവും പ്രവാസിയായ അഭിഭാഷകനും സംയുക്തമായി നടത്തിയ നിയമയുദ്ധത്തിനൊടുവിലാണ് പത്തനാപുരം കറവൂര് പ്രഭാവിലാസത്തില് പ്രവീണിന്റെ മോചനത്തിന് വഴിതെളിഞ്ഞത്. മൊംബാസ കോടതി പ്രവീണിനെ വെറുതെവിട്ട വിധി ഹൈക്കോടതി ശരിവയ്ക്കുകയായിരുന്നു.
https://www.facebook.com/Malayalivartha
