ബ്രിട്ടീഷ് സര്ക്കാരിന്റെ പ്രേതം പിണറായി വിജയനെ ആവേശിച്ചിരിക്കുകയാണെന്ന് കുമ്മനം രാജശേഖരന്, മോഹന് ഭാഗവത് ദേശീയ പതാക ഉയര്ത്തിയതിലൂടെ എന്ത് സാമൂഹിക പ്രശ്നവും ക്രമസമാധാന തകര്ച്ചയുമാണ് നാട്ടില് ഉണ്ടായതെന്ന് മുഖ്യമന്ത്രി വിശദീകരിക്കണം
സ്വാതന്ത്ര്യദിനത്തില് ആര്.എസ്.എസ്. സര്സംഘ ചാലക് മോഹന് ഭാഗവത് പതാകയുയര്ത്തിയതിന് പാലക്കാട് കണ്ണകിയമ്മന് ഹയര്സെക്കന്ഡറി സ്കൂള് അധികൃതര്ക്കെതിരേ കേസെടുക്കാനുള്ള സര്ക്കാര്നീക്കം ബാലിശമാണെന്ന് ബി.ജെ.പി. പ്രസിഡന്റ് കുമ്മനം രാജശേഖരന്.
ബ്രിട്ടീഷ് സര്ക്കാരിന്റെ പ്രേതം പിണറായി വിജയനെ ആവേശിച്ചിരിക്കുകയാണ്. അതിനാലാണ് ദേശീയ പതാക ഉയര്ത്തിയത് കുറ്റകരമാണെന്ന നിലപാടിലേക്ക് എത്തിച്ചേര്ന്നത്.
മോഹന് ഭാഗവത് ദേശീയ പതാക ഉയര്ത്തിയതിലൂടെ എന്ത് സാമൂഹിക പ്രശ്നവും ക്രമസമാധാന തകര്ച്ചയുമാണ് നാട്ടില് ഉണ്ടായതെന്ന് മുഖ്യമന്ത്രി വിശദീകരിക്കണം കുമ്മനം ആവശ്യപ്പെട്ടു. ബ്രിട്ടീഷുകാര്ക്ക് ശേഷം ഇന്ത്യന് ദേശീയ പതാക ഉയര്ത്തിയത് കുറ്റമായി കണ്ട ഏക സര്ക്കാരാണ് കേരളത്തിലേതെന്നും കുമ്മനം രാജശേഖരന് തന്റെ ഫെയ്സ്ബുക്ക് പോസ്റ്റില് പറയുന്നു.
രാഷ്ട്രീയ തിമിരം ബാധിച്ച പിണറായി വിജയന് എതിരാളികളെ ഏത് വിധേനയും ഇല്ലാതാക്കാന് ശ്രമം നടത്തുകയാണ്. അതിന്റെ ഭാഗമായുള്ള ശ്രമം എന്നല്ലാതെ മറ്റൊരു കാരണവും ഇതിനു പിന്നില് കാണാനാകില്ലെന്നും അദ്ദേഹം ചൂണ്ടിക്കാട്ടി.
ദേശീയതയ്ക്ക് വേണ്ടി നിലകൊള്ളുന്ന ഒരു പ്രസ്ഥാനത്തിന്റെ തലവന് എന്ന നിലയില് മോഹന്ഭാഗവതിന് ദേശീയ പതാക ഉയര്ത്താന് അവകാശവും അധികാരവുണ്ട്. അതിന് ഒരു സര്ക്കാരിന്റേയും അനുമതി ആവശ്യമില്ലെന്നും അദ്ദേഹം പറയുന്നു.
https://www.facebook.com/Malayalivartha
