കേരളത്തിൽ രാഷ്ട്രീയ അക്രമങ്ങള്‍ വര്‍ധിച്ചെന്ന പ്രചരണങ്ങൾക്കെതിരെ പ്രതികരണവുമായി മുഖ്യമന്ത്രിയുടെ ഓഫീസ്. കേരളത്തിൽ രാഷ്ട്രീയ അക്രമങ്ങള്‍ കുറഞ്ഞുവെന്നാണ് ഓഫീസ് പറയുന്നത്. കഴിഞ്ഞ വർഷത്തേതിനെ അപേക്ഷിച്ച് ഇരുന്നൂറ്റി മുപ്പതോളം കേസുകളുടെ കുറവാണുണ്ടായിരിക്കുന്നതെന്നാണ് മുഖ്യമന്ത്രിയുടെ ഓഫീസ്പറയുന്നത്. അക്രമം അമര്‍ച്ച ചെയ്യാന്‍ സര്‍ക്കാര്‍ എടുത്ത ഭരണപരവും രാഷ്ട്രീയ പരവുമായ നടപടികളെ തുടര്‍ന്നാണ് കേസുകളുടെ എണ്ണം കുറഞ്ഞത്.

മുഖ്യമന്ത്രിയുടെ നേതൃത്വത്തില്‍ നടത്തിയ സമാധാന ചര്‍ച്ചകളുടെ കൂടി ഫലമാണ് അക്രമസംഭവങ്ങള്‍ കുറക്കാന്‍ കഴിഞ്ഞതെന്നുമാണ് മുഖ്യമന്ത്രിയുടെ ഓഫീസിന്റെ വാദം. കണ്ണൂരിലും രാഷ്ട്രീയ അക്രമ കേസുകളില്‍ ഗണ്യമായ കുറവ് ഉണ്ടായി. സിപിഐഎം-ബിജെപി സംഘര്‍ഷങ്ങള്‍ വ്യാപകമാകുന്നതിനിടെയാണ് മുഖ്യമന്ത്രിയുടെ ഓഫീസിന്റെ വിശദീകരണം. 2016 നെ അപേക്ഷിച്ച് 2017ല്‍ രാഷ്ട്രീയ അക്രമണ കേസുകളില്‍ ഗണ്യമായ കുറവുണ്ടായിയെന്നാണ് മുഖ്യമന്ത്രിയുടെ ഓഫീസ് പറയുന്നത്.

2016 ഡിസംബര്‍ 30 വരെ 1684 രാഷ്ട്രീയ ആക്രമണ കേസുകള്‍ സംസ്ഥാനത്ത് രജിസ്റ്റര്‍ ചെയ്തപ്പോള്‍ 2017 ഡിസംബര്‍ 30 വരെ 1463 കേസുകള്‍ മാത്രമാണ് രജിസ്റ്റര്‍ ചെയ്തതെന്നും മുഖ്യമന്ത്രിയുടെ ഓഫീസ് അറിയിച്ചു. കണ്ണൂരിലും രാഷ്ട്രീയ അക്രമ കേസുകളിലും ഗണ്യമായ കുറവ് ഉണ്ടായി. 2016 ല്‍ 363 കേസുകള്‍ രജിസ്റ്റര്‍ ചെയ്തപ്പോള്‍ 2017 ല്‍ ഇത് 271 ആയി അത് കുറഞ്ഞു.