സാമ്പത്തിക പ്രതിസന്ധിയ്ക്കു കാരണം സർക്കാരിന്റെ പിടിപ്പുകേടാണെന്ന് എംഎല്‍എ കെസി ജോസഫ്. സാമ്പത്തിക സ്ഥിതി എന്താണെന്ന് ധവളപത്രം പുറപ്പെടുവിച്ച് സർക്കാർ ജനങ്ങളെ അറിയിക്കണമെന്നും ജോസഫ് പറഞ്ഞു.

'സാമ്പത്തിക പ്രതിസന്ധിയ്ക്കു കാരണം വരുമാന ചോർച്ചയല്ല, സർക്കാരിന്റെ പിടിപ്പുകേടാണ്. കേരളത്തിൽ സാമ്പത്തിക അടിയന്തരാവസ്ഥയാണ്. സര്‍ക്കാര്‍ ജനങ്ങളിൽ നിന്നും യാഥാർത്ഥ്യം മറച്ചുവയ്ക്കുകയാണ്. കിഫ്ബി കടലാസിൽ അനുമതി നല്‍കുന്നതല്ലാതെ യാതൊരു നടപടിയും സ്വീകരിക്കുന്നില്ല. ചരിത്രത്തിൽ ഇതുവരെ ഉണ്ടാകാത്ത പ്രതിസന്ധിയാണ് കേരളം നേരിടുന്നത്. ധനമന്ത്രി രാജിവെക്കണം'- അദ്ദേഹം പറഞ്ഞു.