കേരളാകോണ്‍ഗ്രസ് (ബി) ചെയര്‍മാനും മുന്നോക്ക ക്ഷേമ കമ്മിഷന്‍ ചെയര്‍മാനുമായ ആര്‍.ബാലകൃഷ്ണപിള്ളയുടെ ഭാര്യയും കെ.ബി ഗണേഷ് കുമാര്‍ എം.എല്‍.എയുടെ അമ്മയുമായ വല്‍സല (70) അന്തരിച്ചു. ഹൃദയാഘാതത്തെ തുടര്‍ന്ന് ഇന്ന് രാവിലെയായിരുന്നു അന്ത്യം. നെഞ്ച് വേദന അനുഭവപ്പെട്ടതിനെ തുടര്‍ന്ന് രാവിലെ ബാലകൃഷ്ണപിള്ളയാണ് ആശുപത്രിയില്‍ കൊണ്ടുപോയത്. മരണവിവരമറിഞ്ഞ് ഗണേഷ്‌കുമാര്‍ വാളകത്തെ വീട്ടിലെത്തി. സാധാരണ രാഷ് ട്രീയക്കാരുടെ ഭാര്യമാരെ പോലെ പൊതുചടങ്ങുകളില്‍ പങ്കെടുക്കുകയോ, ഇടപെടുകയോ ചെയ്തിട്ടില്ലായിരുന്നു വല്‍സല. ഉയര്‍ന്ന വിദ്യാഭ്യാസമുണ്ടായിരുന്നിട്ടും സര്‍ക്കാര്‍ ജോലിക്ക് ഉള്‍പ്പെടെ പോകാതെ ഭര്‍ത്താവിന്റെയും മക്കളുടെയും കാര്യം നോക്കി കഴിയുകയായിരുന്നു.