ന്യൂഇയര് ആഘോഷം തലയ്ക്ക് പിടിച്ച യുവാവ് എടിഎമ്മില് കാട്ടിക്കൂട്ടിയത് കണ്ട് പോലീസുകാരും അമ്പരന്നു; അവസാനം യുവാവ് അറസ്റ്റിലായി
മലയാളി ലോകത്തിന് തന്നെ നാണക്കേടാവുകയാണ്. പുതുവര്ഷം അടിച്ചു പൊളിച്ച് ലഹരികയറി എ.ടി.എമ്മില് മൂത്രമൊഴിച്ചു നശിപ്പിച്ച യുവാവ് അറസ്റ്റില്. കാടാങ്കോട് കരിങ്കരപ്പുള്ളി ദീപ്തത്തില് ദിനു (19) വിനെയാണ് ടൗണ് നോര്ത്ത് പോലീസ് അറസ്റ്റു ചെയ്തത്.
ഈ മാസം ഒന്നിന് പുലര്ച്ചെയാണ് ഒലവക്കോട് ഗായത്രി ഓഡിറ്റോറിയത്തിന് മുന്പിലുള്ള സ്റ്റേറ്റ് ബാങ്ക് ഓഫ് ഇന്ത്യയുടെ എം.ടി.എം. മെഷിന് ഇയാള് നശിപ്പിച്ചത്. മെഷീന് പ്രവര്ത്തനരഹിതമായതിനെത്തുടര്ന്ന് ബാങ്ക് ഉദ്യോഗസ്ഥര് പരിശോധിച്ചപ്പോള് എന്തോ ദ്രാവകം മെഷീനകത്തേക്ക് ഒഴിച്ചതായി കണ്ടെത്തി.
തുടര്ന്ന് സി.സി.ടി.വി. ക്യാമറ പരിശോധിച്ചതില്നിന്നാണ് യുവാവ് ക്യാഷ് എടുക്കുന്ന ഭാഗത്തുകൂടെ (ക്യാഷ് വിഡ്രോ വിന്ഡോ) അകത്തേക്ക് മൂത്രമൊഴിക്കുന്ന ദൃശ്യം കണ്ടത്. അവസാനം പണം പിന്വലിച്ച വിവരങ്ങള് പരിശോധിച്ചപ്പോള് ഇയാള് 200 രൂപ പിന്വലിച്ചതായും കണ്ടെത്തി. പ്രതിയെക്കുറിച്ചുള്ള സൂചന ലഭിച്ച ബാങ്ക് മാനേജര് ടൗണ് നോര്ത്ത് പോലീസില് പരാതി നല്കുകയായിരുന്നു. പിടിയിലായ പ്രതി ചോദ്യംചെയ്യലില് കുറ്റം സമ്മതിച്ചു.
ഒലവക്കോടുള്ള സുഹൃത്തിന്റെ വീട്ടില് പുതുവത്സരാഘോഷം കഴിഞ്ഞ് മടങ്ങുമ്പോഴായിരുന്നു മെഷീനില് മൂത്രമൊഴിച്ചത്. തുടര്ന്ന് മെഷീന്റെ മദര്ബോര്ഡിന് കേടുപറ്റുകയും പ്രവര്ത്തനരഹിതമാകുകയുമായിരുന്നു. പൊതുമുതല് നശിപ്പിച്ചതിനാണ്ഇയാള്ക്കെതിരേ കേസെടുത്തിരിക്കുന്നത്.
പാലക്കാട് ടൗണ് നോര്ത്ത് ഇന്സ്പെക്ടര് (എസ്.എച്ച്.ഒ) ആര്. ശിവശങ്കരന്, എസ്.ഐ. പുരുഷോത്തമന്പിള്ള, െ്രെകംസ്ക്വാഡ് അംഗങ്ങളായ ആര്. കിഷോര്, കെ. അഹമ്മദ് കബീര്, എം. മണികണ്ഠന്, എം. ഷിബു, എം. സുനില്, ആര്. രാജീദ് എന്നിവരടങ്ങിയ സംഘമാണ് പ്രതിയെ പിടികൂടി കോടതിയില് ഹാജരാക്കിയത്.
https://www.facebook.com/Malayalivartha
