ഇനി വരുന്ന ലോക്​സഭാ തെരഞ്ഞെടുപ്പില്‍ നടി മഞ്​ജു വാര്യരെ എറണാകുളത്ത്​ സ്​ഥാനാര്‍ഥിയാക്കാൻ ധാരണയായെന്ന് റിപ്പോർട്ടുകൾ. സിപിഎമ്മിൽ ഇത് സംബന്ധിച്ച് ആലോചന നടന്നതായാണ് സൂചന. എങ്ങനെയും എറണാകുളം പിടിക്കണമെന്ന ഉറച്ച തീരുമാനമാണ്​ തെരഞ്ഞെടുപ്പില്‍ മഞ്​ജു വാര്യരെ സ്ഥാനാർഥിയാക്കാനുള്ള തീരുമാനത്തിന് പിന്നിൽ. ഇടതു സര്‍ക്കാറിന്‍റെ പല പദ്ധതികളുടെയും ബ്രാന്‍ഡ്​ അംബാസഡറായ മഞ്​ജു വാര്യര്‍ അടുത്ത സമയത്തായി സര്‍ക്കാരിന്റെ പ്രവര്‍ത്തനത്തെ തുറന്ന്​ പ്രശംസിക്കുകയും ചെയ്​തിരുന്നു.

മഞ്ജു വാര്യർ എറണാകുളത്ത്​ പല പരിപാടികളിലും സജീവമാകാൻ ശ്രമിക്കുന്നുണ്ട്​. പി. രാജീവിനെ തന്നെ സെക്രട്ടറിയായി വീണ്ടും തെരഞ്ഞെടുക്കാനും ലോക്​സഭാ തെരഞ്ഞെടുപ്പില്‍ അദ്ദേഹത്തെ സ്​ഥാനാര്‍ഥിയാക്കാനുമാണ്​ നേരത്തെ തീരുമാനിച്ചിരുന്നത്. എന്നാല്‍ രാജീവ്​ അടുത്ത മൂന്ന്​ വര്‍ഷവും സെക്രട്ടറിയായി തുടരും.