ഡ്രൈവറുടെ രതിവൈകൃതം വനിതാ ഡോക്ടര് വിദഗ്ധമായി പകര്ത്തി സോഷ്യല് മീഡിയയിലിട്ടു; സംഭവം വൈറലായതോടെ പിറകെ നടപടിയും
വനിതാ ഡോക്ടറുടെ നേരെ അശ്ലീല ആംഗ്യം കാട്ടിയ സ്വകാര്യ ബസ് ഡ്രൈവര് അക്ഷരാര്ത്ഥത്തില് പെട്ടുപോയി. കരുനാഗപ്പള്ളി പത്തനംതിട്ട സര്വ്വീസ് നടത്തുന്ന സ്വകാര്യ ബസിലെ ഡ്രൈവര്ക്കെതിരെയാണ് അപമാനിക്കപ്പെട്ട വനിതാ ഡോക്ടര്ക്ക് വേണ്ടി സുഹൃത്ത് ആദ്യം പരാതിപ്പെട്ടത്. പിന്നീട് ഡോക്ടറും പരാതി പൊലീസിന് നല്കി.
അടൂര് സ്വദേശിനിയായ ഡോക്ടര് പത്തനംതിട്ടയിലെ ഗവ. ആയുര്വേദ ഹോസ്പിറ്റലിലാണ് ജോലി. സ്ഥിരമായി ഈ ബസിലാണ് യാത്ര ചെയ്യുന്നത്. രാവിലെ അടൂരില് നിന്നും കയറിയ ഡോക്ടര് ഡ്രൈവര് സീറ്റിന് തൊട്ടുപിറകുവശത്തുള്ള സീറ്റിലാണ് ഇരുന്നത്. കയറിയപ്പോള് മുതല് ഡ്രൈവര് കണ്ണാടിയിലുടെ നോക്കി ചിരിക്കുന്നുണ്ടായിരുന്നു വെന്നും ഇടയ്ക്ക് ഒരു കുപ്പിയില് വിരല് കയറ്റി കാണിക്കുകയും ചെയ്തു. അപ്പോള് യാതൊരസ്വാഭാവികതയും തോന്നിയിരുന്നില്ലെന്ന് വനിതാ ഡോക്ടര് പറഞ്ഞു.
എന്നാല് കുറച്ച് സമയം കഴിഞ്ഞപ്പോള് ഡ്രൈവര് സീറ്റിന്റെ വശത്ത് പിടിച്ചു കൊണ്ട് പിറകിലേക്ക് വിരല് ചലിപ്പിച്ച് അശ്ലീലത കാണിക്കുകയായിരുന്നു. ഇത് പല തവണ തുടര്ന്നതോടെയാണ് മൊബൈലില് പകര്ത്തിയതെന്ന് അവര് പറഞ്ഞു. ബസില് നിന്നും ഇറങ്ങിയ ഇവര് വാഹനത്തിന്റെ നമ്പര് കുറിച്ചെടുക്കുകയും സുഹൃത്തായ ഡോക്ടറോട് താന് നേരിട്ട അപമാനം വെളിപ്പെടുത്തുകയും ചെയ്തു. പൊലീസില് പരാതിപ്പെടാന് ധൈര്യമില്ലെന്നും പിന്നീട് അതിനു പുറകിലുള്ള നൂലാമാലകള് നേരിടാന് വയ്യാത്തതുകൊണ്ടുമാണ് സുഹൃത്തിന്റെ സഹായം തേടിയത്.
സുഹൃത്തായ ഡോക്ടര് ദൃശ്യങ്ങളടക്കം സോഷ്യല് മീഡിയയില് പോസ്റ്റ് ചെയ്യുകയും പത്തനംതിട്ട പൊലീസ് മേധാവിക്ക് പരാതി നല്കുകയും ചെയ്തു. ഡോക്ടറും പരാതി നല്കി. ഈ സാഹചര്യത്തില് ഡ്രൈവര്ക്കെതിരെ പൊലീസ് നടപടിയെടുക്കും. സുഹൃത്തിന്റെ പരാതിയില് നടപടിയെടുക്കുന്നത് പുലിവാലാകുമോ എന്ന സംശയം പൊലീസിനുണ്ടായിരുന്നു ഈ സാഹചര്യത്തില് പൊലീസ് നടപടിയെടുക്കാന് മടിച്ചു. ഇതോടെയാണ് വനിതാ ഡോക്ടര് തന്നെ പരാതി നല്കിയത്.
വനിതാ ഡോക്ടര് നല്കിയ പരാതി ഇങ്ങനെയാണ്. ഞാന് ഡോ........ രാവിലെ ഒമ്പതരയോട് കൂടി അടൂര് നിന്ന് പത്തനംതിട്ട കൊടുമണിലേക്ക് സര്വ്വീസ് നടത്തുന്നതായ സ്വകാര്യ ബസിലെ സ്ഥിരം യാത്രക്കാരി. ഇന്ന് െ്രെഡവറുടെ തൊട്ട് പുറകിലുള്ള സീറ്റില് ആണ് ഇരുന്നിരുന്നത്. കയറിയപ്പോള് മുതല് െ്രെഡവര് ഇടയ്ക്കിടെ റിയര് വ്യൂ മിററിലൂടെ ഇടയ്ക്കിടെ നിരീക്ഷിച്ചുകൊണ്ട് വലതുകൈ പിന്നിലേക്കാക്കി ചില ആംഗ്യങ്ങള് കാണിക്കാന് തുടങ്ങി. ആദ്യം ഡ്രൈവിങ് സീറ്റിനടിയില് അടപ്പില്ലാതെ സൂക്ഷിച്ചിരുന്ന ഒരു കുപ്പിയില് ഇടയ്ക്കിടെ വിരലിട്ടു കാണിച്ചു.
ഇതിലെ അശ്ലീലച്ചുവ മനസ്സിലാകാതിരുന്ന എന്നെ പിന്നീടയാള് കുപ്പിയില് നിന്ന് കൈ ഉയര്ത്തി നടുവിരല് മടക്കി വ്യക്തമായ അശ്ലീല ആംഗ്യം കാണിച്ചു. യാത്രയിലുടനീളം ഇത് തുടര്ന്നപ്പോള് മറ്റൊന്നും ചെയ്യാന് നിര്വ്വാഹമില്ലാതെ ഭയന്ന് പോയ ഞാന് ഇയാളുടെ ചെയ്തികള് വീഡിയോയില് ചിത്രീകരിക്കുകയും വണ്ടി നമ്പരടക്കം ഫോട്ടോയെടു ത്തു. ഇതേത്തുടര്ന്ന് ഞാനീ സംഭവം എന്റെ ഫേസ്ബുക്ക് പ്രൊഫൈലില് വീഡിയോ അടക്കം പങ്ക് വച്ചിരുന്നു. അത് ശ്രദ്ധയില്പെട്ട് വിളിച്ച ഒരു മാധ്യമപ്രവര്ത്തകനാണ് ഈ വിലാസത്തില് പരാതി അയക്കാന് പറഞ്ഞത്. ദിവസേന രാവിലെ ഒട്ടേറെ സ്കൂള് കോളേജ് വിദ്യാര്ത്ഥികളടക്കം യാത്ര ചെയ്യുന്ന ഈ ബസ്സില് ഇതിയാളുടെ സ്ഥിരം ചെയ്തിയാകാം എന്നതിനാല് അടിയന്തിരമായി നടപടിയെടുക്കണമെന്ന് അപേക്ഷിക്കുന്നു. വീഡിയോയും ചിത്രവും ഹാജരാക്കാവുന്നതാണ്.
https://www.facebook.com/Malayalivartha
