കാമുകനുമായി പിണങ്ങിയതിന്റെ വിഷമത്തില്‍ പ്ലസ്ടു വിദ്യാര്‍ത്ഥിനി ആത്മഹത്യ ചെയ്തു. ഇനിയൊരിക്കലും ശല്യം ചെയ്യാന്‍ വരില്ലെന്നും ഞാന്‍ കാരണം ആരും ബുദ്ധിമുട്ടേണ്ട എന്നും കാമുകനായ അയല്‍വാസിയുമായുള്ള പിണക്കമാണ് ആത്മഹത്യ ചെയ്യാന്‍ കാരണമെന്നും ആത്മഹത്യാക്കുറിപ്പില്‍ പറയുന്നു.

മണപ്പള്ളി തിരുവോണം വീട്ടില്‍ ദേവരാജന്‍ - രജനി ദമ്പതികളുടെ മകളായ അഖിലാ ദേവ് എന്ന 17 കാരി ആണ് കഴിഞ്ഞ ദിവസം പ്രണയ പരാജയത്തിനെ തുടർന്ന് ആത്മഹത്യ ചെയ്തത്. അഖിലയും അയല്‍വീട്ടിലെ പ്രമുഖന്റെ മകനും തമ്മില്‍ പ്രണയത്തിലായിരുന്നു. ഒരേ സ്കൂളിലായിരുന്ന ഇരുവരുടെയും ബന്ധം വീട്ടില്‍ അറിഞ്ഞതോടെ ആണ്‍കുട്ടിയെ പിതാവ് മറ്റൊരു സ്കൂളിലേക്ക് മാറ്റി. എങ്കിലും ഇവര്‍ തമ്മില്‍ ബന്ധം തുടര്‍ന്നിരുന്നു.

ഇന്നലെ വൈകിട്ട് നാലു മണിയോടെയാണ് സംഭവം നടന്നത്. വയറുവേദനയാണെന്ന് പറഞ്ഞ് അഖില സ്കൂളില്‍ നിന്നും വീട്ടിലെത്തി. ഈ സമയം വീട്ടില്‍ മറ്റാരുമുണ്ടായിരുന്നില്ല. എന്നാൽ പെൺകുട്ടിയെ പുറത്ത് കാണാതിരുന്നതിനെ തുടര്‍ന്ന് അയല്‍ വീട്ടുകാര്‍ നടത്തിയ തെരച്ചിലിലാണ് ആത്മഹത്യ ചെയ്തതായി കണ്ടെത്തിയത്. അകത്ത് നിന്നും പൂട്ടിയ വാതില്‍ ചവിട്ടിപ്പൊളിച്ച്‌ അകത്ത് കടന്നെങ്കിലും അപ്പോഴേക്കും ജീവന്‍ നഷ്ടപ്പെട്ടിരുന്നു. പിന്നീട് പോലീസെത്തി മൃതദേഹം പോസ്റ്റ് മോര്‍ട്ടത്തിനായി തിരുവനന്തപുരം മെഡിക്കല്‍ കോളേജ് ആശുപത്രിയിലേക്ക് മാറ്റി.

കാമുകനായ അയല്‍വാസിയുമായുള്ള പിണക്കമാണ് ആത്മഹത്യ ചെയ്യാന്‍ കാരണമെന്നും ആത്മഹത്യാക്കുറിപ്പില്‍ പറയുന്നുണ്ട്. കരുനാഗപ്പള്ളി പൊലീസ് കേസെടുത്ത് അന്വേഷണം ആരംഭിച്ചു.