കല്യാണം കഴിക്കുന്നത് ഏവർക്കും സന്തോഷം ആണ് എന്നാൽ കല്യാണത്തെക്കുറിച്ചോർക്കുമ്പോൾ ആദ്യം മനസിലേക്കോടി വരുന്നത് പ്രായമാണ്. നമ്മുടെ നാട്ടിൽ 20-30 വയസ്സിനുള്ളിലാണ് മിക്കവാറും ആളുകളും വിവാഹിതരാകുന്നത്.എന്നാൽ വിവാഹം കഴിക്കാൻ പറ്റിയ പ്രായം 26 ആണെന്നാണ് വിദേശിയെ പഠനങ്ങൾ തെളിയിക്കുന്നത്.

" 37 ശതമാനം റൂൾ " നെ ആസ്പദമാക്കിയുള്ള പഠനത്തിലാണ് ഇക്കാര്യം ഇവര്‍ വ്യക്തമാക്കുന്നത്. കുറഞ്ഞ സമയത്തിനുള്ളില്‍ ഒരുപാട് ഓപ്ഷനുകള്‍ക്ക് മുന്നില്‍ നിന്ന് ഒന്നിനെ തിരഞ്ഞെടുക്കുക എന്നതാണ് " 37 ശതമാനം റൂൾ " കൊണ്ട് ഉദ്ദേശിക്കുന്നത്. വിവാഹം മാത്രമല്ല മറ്റെല്ലാ കാര്യങ്ങളും 37 ശതമാനം റൂളിനെ ആസ്പദമാക്കിയാണെന്നാണ് അവരുടെ അഭിപ്രായം.

ഇരുപത്തിയാറ് വയസ് ആകുമ്പോഴേക്കും ആളുകളുടെ സ്വഭാവത്തെ ശരിയായി മനസ്സിലാക്കാന്‍ സാധിക്കും വിധം അനുഭവജ്ഞാനം അവര്‍ക്കും ലഭിക്കും. അങ്ങനെ തങ്ങള്‍ക്ക് അനുയോജ്യരായ പങ്കാളികളെ കണ്ടെത്താന്‍ അവര്‍ക്ക് സാധിക്കുമെന്നാണ് മാധ്യമപ്രവര്‍ത്തകനായ ബ്രയാന്‍ ക്രിസ്റ്റ്യനും കൊഗ്നിറ്റീവ് ശാസ്ത്രജ്ഞയായ അദ്ദേഹത്തിന്റെ സുഹൃത്തും തങ്ങളുടെ പഠനത്തിലൂടെ വ്യക്തമാക്കിയത്.