ബല്റാം എംഎല്എയ്ക്ക് മറുപടിയുമായി എഴുത്തുകാരി സാറാ ജോസഫ്... ബല്റാമിന്റെ മുന് തലമുറകളിലും കാണും 12 വയസ്സില് കെട്ടിയ കുട്ടികള്, പത്തും പതിനഞ്ചും പെറ്റു കൂട്ടിയ പേറ്റു യന്ത്രങ്ങളുണ്ടാകുമെന്ന് സാറാ ജോസഫ്
എകെജിയെ ബാലപീഡകനെന്ന് വിളിച്ചധിക്ഷേപിച്ച വി ടി ബല്റാം എം എല് എയ്ക്ക് മറുപടിയുമായി എഴുത്തുകാരി സാറാ ജോസഫ്. വ്യാഖ്യാനിച്ചു വഷളാക്കിയ അറുവഷളന് പ്രസ്താവന അന്തസ്സായി പിന്വലിക്കാതെ നാടു മുഴുവന് ഇട്ടലക്കി കൂടുതല് കൂടുതല് അപഹാസ്യനാകുന്നതെന്തിനെന്ന് സാറാ ജോസഫ് ചോദിക്കുന്നു.
എകെജി വിവാഹിതനായി വര്ഷങ്ങള് കഴിഞ്ഞാണ് താന് വിവാഹിതയായതെന്നും സാറ പറയുന്നു. 'എ കെ ജി വിവാഹിതനായി എത്രയോ വര്ഷങ്ങള്ക്കു ശേഷം 1963 ലാണ് എന്റെ വിവാഹം. എനിക്ക് വയസ്സ് പതിനഞ്ചര. മാധവിക്കുട്ടിയുടെ വിവാഹം 15 വയസ്സില്. ബല്റാമിന്റെ മുന് തലമുറകളിലും കാണും 12ഉം 15 ഉം ഒക്കെ വയസ്സില് വിവാഹിതരായ പെണ്കുട്ടികള്. പത്തും പതിനഞ്ചും പെറ്റു കൂട്ടിയ പേറ്റു യന്ത്രങ്ങള്'. സാറാ ജോസഫ് ഫേസ്ബുക്കില് കുറിച്ചു.
സാറാ ജോസഫിന്റെ ഫേസ്ബുക്ക് പോസ്റ്റ്:
അസഹിഷ്ണുത സംഘികളുടെ കുത്തകയൊന്നുമല്ല .വേണ്ടിവന്നാല് ഫെയ്സ് ബുക്ക് അക്കൗണ്ടു് പൂട്ടിക്കാനും ഞങ്ങള്ക്ക് കഴിയുമെന്ന് സിവിക് ചന്ദ്രന് ബോധ്യമായല്ലോ അല്ലേ.? ബല്റാം വി.ടി.വ്യാഖ്യാനിച്ചു വഷളാക്കിയ അറുവഷളന് പ്രസ്താവന അന്തസ്സായി പിന്വലിക്കാതെ നാടു മുഴുവന് ഇട്ടലക്കി കൂടുതല് കൂടുതല് അപഹാസ്യനാ വേണ്ട കാര്യമുണ്ടോ?
എ കെ ജി വിവാഹിതനായി എത്രയോ വര്ഷങ്ങള്ക്കു ശേഷം 1963 ലാണ് എന്റെ വിവാഹം. എനിക്ക് വയസ്സ് പതിനഞ്ചര. മാധവിക്കുട്ടിയുടെ വിവാഹം 15 വയസ്സില്. ബല്റാമിന്റെ മുന് തലമുറകളിലും കാണും 12 ഉം 15 ഉം ഒക്കെ വയസ്സില് വിവാഹിതരായ പെണ്കുട്ടികള്. പത്തും പതിനഞ്ചും പെറ്റു കൂട്ടിയ പേറ്റു യന്ത്രങ്ങള്. ഇപ്പോഴും നടക്കുന്നുണ്ട് ഇതൊക്കെ. ഈയടുത്ത കാലത്തല്ലേ ബോധം തെളിഞ്ഞിട്ടുള്ളൂ.
https://www.facebook.com/Malayalivartha
