ലോക കേരള സഭ സമ്മേളനത്തില്‍ ഇരിപ്പിടം ഒരുക്കിയതിലുണ്ടായ വീഴ്ചമൂലം ഇറങ്ങിപ്പോയ പ്രതിപക്ഷ ഉപനേതാവ്​ എം.കെ മുനീര്‍ തിരിച്ചുവന്നു. മുന്‍ നിരയില്‍ ഇരിപ്പിടം ഒരുക്കിയതിനെ തുടര്‍ന്നു തിരിച്ചെത്തുകയായിരുന്നു.

നേരത്തെ സീറ്റ് ഒരുക്കിയതിൽ അവഗണിച്ചെന്നുംപറഞ്ഞു അദ്ദേഹം ഇറങ്ങിപ്പോവുകയായിരുന്നു . വ്യവസായികൾക്കും പിന്നിലായി പ്രതിപക്ഷ ഉപനേതാവിന് സീറ്റ് ഒരുക്കിയതിലായിരുന്നു പ്രതിഷേധം. കക്ഷി നേതാവ് എന്ന സ്ഥാനം ചെറുതാകാൻ പാടില്ല, അതിനാലാണ് ബഹിഷ്കരിച്ചതെന്ന് എം.കെ.മുനീർ പറഞ്ഞിരുന്നു.