സഹോദരൻ ശ്രീജിവി​​ന്റെ മരണത്തിൽ സി.ബി.ഐ അന്വേഷണം ആവശ്യപ്പെട്ട്​ ശ്രീജിത്ത്​ ഹൈക്കോടതിയെ സമീപിക്കും. അഡ്വക്കേറ്റ്​ കാളീശ്വരം രാജ്​ മുഖേന കോടതിയെ സമീപിക്കാനാണ്​ ശ്രീജിത്തി​​ന്റെ തീരുമാനം.

നേരത്തെ ഇതുസംബന്ധിച്ച കേസിലെ നിയമപോരാട്ടം പത്ത്​ ലക്ഷം രൂപയുടെ നഷ്​ടപരിഹാരത്തിൽ ഒതുങ്ങിയിരുന്നു. ഇതിന്​ ശേഷമാണ്​ വീണ്ടും നിയമപോരാട്ടത്തിന്​ ശ്രീജിത്ത്​ ഒരുങ്ങുന്നത്​. അതേ സമയം, സഹോദരന്റെ മരണത്തിൽ സി.ബി.ഐ അന്വേഷണം ആവശ്യപ്പെട്ട്​ ശ്രീജിത്ത്​ നടത്തുന്ന സമരത്തിന്​ ജനപിന്തുണയേറുകയാണ്​.

കോൺഗ്രസ്​ നേതാവ്​ വി.എം.സുധീരൻ, സി.പി.എം നേതാവ്​ വി.എസ്​ ശിവൻകുട്ടി എന്നിവർ ശ്രീജിത്തി​നെ സന്ദർശിച്ചു. വി.എം സുധീരൻ ഇന്നലെയും ശ്രീജിത്തിനെ സന്ദർശിച്ചിരുന്നു.