പതിനാലാം കേരള നിയമസഭയുടെ ഒമ്പതാം സമ്മേളനം ജനുവരി 22ന്
19 JANUARY 2018 09:55 AM IST
മലയാളി വാര്ത്ത
പതിനാലാം കേരള നിയമസഭയുടെ ഒമ്പതാം സമ്മേളനം ജനുവരി 22ന് ഗവര്ണറുടെ നയപ്രഖ്യാപന പ്രസംഗത്തോടെ ആരംഭിക്കും. അടുത്ത വര്ഷത്തേക്കുള്ള ബജറ്റ് ഫെബ്രുവരി രണ്ടിന് അവതരിപ്പിക്കും. ഒമ്പതാം സമ്മേളനം ആകെ 11 ദിവസമായിരിക്കും. അതില് നയപ്രഖ്യാപന പ്രസംഗത്തിനും ബജറ്റിലെ പൊതുചര്ച്ചക്കും മൂന്നുദിവസം വീതം നീക്കിവെച്ചു.
നിലവിലെ സഭയില് അംഗമായിരുന്ന കെ.കെ. രാമചന്ദ്രന് നായര്, സി.പി.ഐ നേതാവും മുന് മന്ത്രിയും ഒന്നാം കേരള നിയമസഭ മുതല് വിവിധ സഭകളില് അംഗമായിരിക്കുകയും ചെയ്ത ഇ. ചന്ദ്രശേഖരന് നായര് എന്നിവരുടെ ദേഹവിയോഗത്തില് സഭ 23ന് അനുശോചനം രേഖപ്പെടുത്തുകയും മറ്റു നടപടികളിലേക്ക് കടക്കാതെ പിരിയുകയും ചെയ്യും.
സര്ക്കാര് കാര്യങ്ങള്ക്കായി നീക്കിവെച്ച രണ്ടുദിവസത്തില് ഓര്ഡിനന്സിന് പകരമുള്ള ബില്ലുകളായിരിക്കും പരിഗണിക്കുക. സമ്മേളനം ഫെബ്രുവരി ഏഴിന് അവസാനിക്കും.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
