മന്ത്രി മണി പങ്കെടുത്ത ഉദ്ഘാടനച്ചടങ്ങിനിടയിൽ ബോട്ട്ജെട്ടി തകര്ന്നു ; മന്ത്രി രക്ഷപ്പെട്ടത് മറ്റുള്ളവരുടെ കരുതലിൽ
ഇടുക്കി കുണ്ടള ജലാശയത്തില് സോളാര് ബോട്ട് ഉദ്ഘാടനത്തിനായി തയാറാക്കിയ താല്ക്കാലിക ബോട്ട്ജെട്ടി ഉദ്ഘാടനച്ചടങ്ങിനിടെ തകര്ന്നു. മന്ത്രി എം.എം മണി രക്ഷപ്പെട്ടത്ത് തലനാരിഴയ്ക്ക്. ചടങ്ങിനിടയിൽ താല്ക്കാലിക ബോട്ട്ജെട്ടി തകർന്നപ്പോൾ ഉദ്ഘാടകനായിരുന്ന മന്ത്രി എം.എം. മണിയെ എസ്. രാജേന്ദ്രന് എം.എല്.എ. അടക്കമുള്ളവര് ചേര്ന്ന് രക്ഷിച്ചു.
സോളാര് ബോട്ടുകളുടെ ഉദ്ഘാടനം നടത്തുന്നതിനിടയിൽ ആളുകളുടെ ഭാരം താങ്ങാനാകാതെ താല്ക്കാലിക ജെട്ടി ഭാഗികമായി തകരുകയായിരുന്നു. സംഭവത്തിന് ശേഷം സുരക്ഷിതമായ ഭാഗത്തേക്ക് ബോട്ട് എത്തിച്ച ശേഷം ഉദ്ഘാടനം നടത്തി. ഉദ്ഘാടനത്തിനു ശേഷം മണി ജലാശയത്തിലൂടെ കുറച്ച് സമയം ബോട്ട്യാത്ര നടത്തി.
ഒരു ബോട്ടിന് പത്തു യാത്രക്കാരെ വഹിക്കാന് ശേഷിയുണ്ട്. രണ്ട് കശ്മീര് ശിക്കാര വള്ളങ്ങളും ഒമ്പത് പെഡല് ബോട്ടുകളും ഇവിടെയുണ്ട്. പത്തു പെഡല് ബോട്ടുകള് കൂടി എത്തിക്കാനാണ് ഹൈഡല് ടൂറിസം അധികൃതരുടെ തീരുമാനം.
https://www.facebook.com/Malayalivartha
