കേരളം അഴിമതിരഹിത സംസ്ഥാനമാണെന്നും മികച്ച ക്രമസമാധാന നിലയാണുള്ളതെന്നും ഗവര്ണര് നയപ്രഖ്യാപന പ്രസംഗത്തില് പറഞ്ഞു
ഗവര്ണര് പി. സദാശിവത്തിന്റെ നയപ്രഖ്യാപന പ്രസംഗത്തില് കേന്ദ്രം ഭരിക്കുന്ന ബി.ജെ.പിക്കും ആര്.എസ്.എസിനും പരോക്ഷ വിമര്ശനം. രാജ്യത്തെ മറ്റു സംസ്ഥാനങ്ങളെ അപേക്ഷിച്ച് കേരളം അഴിമതിരഹിത സംസ്ഥാനമാണെന്നും മികച്ച ക്രമസമാധാന നിലയാണുള്ളതെന്നും ഗവര്ണര് ജസ്റ്റിസ് പി സദാശിവം.അതേസമയം ചില സംഘടനകള് ദേശീയതലത്തില് കേരളത്തെ അപമാനിക്കാന് ശ്രമിക്കുന്നുണ്ടെന്നും അദ്ദേഹം പറഞ്ഞു. സി.പി.എമ്മിന്റെ രാഷ്ട്രീയ അക്രമങ്ങളും കൊലപാതകങ്ങളും കേരളത്തിലെ ക്രമസമാധാനനില തകരാറിലാണെന്ന് ബി.ജെ.പിയും ആര്.എസ്.എസും ദേശീയതലത്തില് വ്യാജപ്രചരണങ്ങള് അഴിച്ചുവിട്ടിരുന്നു. അതിനെ പരാമര്ശിച്ചാണ് അദ്ദേഹം ഇത് പറഞ്ഞത്. നിയമസഭയുടെ ബജറ്റ് സമ്മേളനത്തിന് ആരംഭം കുറിച്ചുള്ള നയപ്രഖ്യാപന പ്രസംഗത്തിലാണ് ഗവര്ണര് ഇക്കാര്യം പറഞ്ഞത്.
ചില സംഘടനകള് കേരളത്തെ അപകീര്ത്തിപ്പെടുത്താനാണ് ശ്രമിച്ചത്. ക്രമസമാധാനനിലയെക്കുറിച്ച് ദേശീയതലത്തില് ഒരുമാസം നീണ്ട കുപ്രചരണം നടത്തി. സാമൂഹ്യവികസനത്തില് കേരളത്തിന്റെ നേട്ടങ്ങള് തമസ്കരിക്കാന് ശ്രമിച്ചെന്നും ഇതരസംസ്ഥാന തൊഴിലാളികള്ക്കിടയില് ആശങ്ക പരത്താനും ശ്രമം നടന്നുവെന്നും ഗവര്ണര് പറഞ്ഞു. ഫെബ്രുവരി രണ്ടിന് സമ്പൂര്ണ ബജറ്റ് ധനമന്ത്രി തോമസ് ഐസക്ക് അവതരിപ്പിക്കുക.നയപ്രഖ്യാപന പ്രസംഗത്തിനുശേഷം ചെങ്ങന്നൂര് എം എല് എ കെ കെ രാമചന്ദ്രന് നായര് , മുന് മന്ത്രി ഇ ചന്ദ്രശേഖരന് നായര് എന്നിവര്ക്ക് ആദരാഞ്ജലി അര്പ്പിച്ച് സഭ ഇന്നത്തേക്ക് പിരിയും.
അതേസമയം കേരളത്തിലെ ക്രമസമാധാനപ്രശ്നം കൈകാര്യം ചെയ്യുന്നതില് പൊലീസും രഹസ്യാന്വേഷണ വിഭാഗവും ജാഗ്രത പാലിക്കണമെന്നും രാഷ്ട്രീയ നേതൃത്വം അക്രമങ്ങള്ക്കെതിരെ ഒറ്റക്കെട്ടായി നില്ക്കണമെന്നും ഗവര്ണര് കഴിഞ്ഞ ദിവസം ഒരു പൊതുചടങ്ങില് പ്രസംഗച്ചിരുന്നു. കണ്ണൂരില് എ.ബി.വി.പി പ്രവര്ത്തകന് ബോക്കില് പോകവെ തടഞ്ഞ് നിര്ത്തി വെട്ടിക്കൊന്നതിനെ തുടര്ന്നായിരുന്നു ഗവര്ണര് ഈ രീതിയില് പ്രതികരിച്ചത്. മുമ്പും സി.പി.എമ്മും ബി.ജെ.പിയും തമ്മില് രാഷ്ട്രീയ അക്രമങ്ങള് നടത്തിയപ്പോള് ഗവര്ണര് ഇടപെട്ടിരുന്നു. ഒരിക്കല് മുഖ്യമന്ത്രിയെ നേരിട്ട് രാജ്ഭവനിലേക്ക് വിളിപ്പിച്ച് സ്ഥിതിഗതികള് ആരാഞ്ഞിരുന്നു. അതിന് ശേഷം ബി.ജെ.പി നേതാക്കള് രാജ്ഭവനിലെത്തി ഗവര്ണറെ കണ്ട് പരാതികള് ബോധിപ്പിച്ചിരുന്നു.
https://www.facebook.com/Malayalivartha
