വ്യാജ കള്ള് നിര്‍മാണത്തിനുപയോഗിക്കുന്ന സ്റ്റാര്‍ച്ച്‌ കള്ളില്‍ ചേര്‍ക്കുന്നത് നിയമവിരുദ്ധമാക്കുന്ന അബ്കാരി നിയമത്തിലെ വകുപ്പ് ഭേദഗതി ചെയ്തു. അഞ്ചുവര്‍ഷം തടവും അന്പതിനായിരം രൂപ പിഴയും ചുമത്താവുന്ന കുറ്റമായാണ് കള്ളില്‍ സ്റ്റാര്‍ച്ച്‌ ചേര്‍ക്കുന്നതിനെ കണക്കാക്കിയിരുന്നത്.

ഇതോടുകൂടി അബ്കാരി നിയമത്തിലെ അന്പത്തിയേഴാം വകുപ്പ് ഭേദഗതി ചെയ്തുകൊണ്ട് കള്ളില്‍ സ്റ്റാര്‍ച്ച്‌ ചേര്‍ക്കുന്നത് കുറ്റകരമല്ലാതാക്കി. കഴിഞ്ഞ ഡിസംബറില്‍ മദ്യം വാങ്ങുന്നതിനുള്ള പ്രായപരിധി 21ല്‍ നിന്ന് 23 ആക്കുമെന്ന് മന്ത്രിസഭാ യോഗത്തിന് ശേഷം മുഖ്യമന്ത്രി അറിയിച്ചിരുന്നു. ഇതിനായി നടത്തിയ നിയമഭേദഗതിയൊടൊപ്പമാണ് കള്ളില്‍ സ്റ്റാര്‍ച്ച്‌ ചേര്‍ക്കുന്നത് കുറ്റകരമല്ലാത്തതാക്കി നിയമഭേദഗതിക്കായി ഓര്‍ഡിനന്‍സ് കൊണ്ടു വന്നത്. നിയമ ഭേദഗതിയിലൂടെ സ്റ്റാർച്ച് ചേർന്ന കള്ള് ഇനി മുതൽ വ്യാജമായി കണക്കാക്കില്ല.