കൊച്ചിയിൽ നടിയെ ആക്രമിച്ച കേസിൽ ദിലീപിന് കൈമാറാനുള്ള സത്യവാങ്മൂലം പോലീസ് ഇന്ന് കോടതിയിൽ സമര്പ്പിക്കും
കൊച്ചിയിൽ യുവനടി ആക്രമിക്കപ്പെട്ട കേസില് പോലീസ് ഇന്ന് സത്യവാങ്മൂലം സമര്പ്പിക്കും. കേസിലെ രേഖകളുടെയും തെളിവുകളുടെയും പട്ടിക തയ്യാറാക്കിയാണ് സത്യവാങ്മൂലം നല്കുന്നത്.
നടിയെ ഉപദ്രവിക്കുന്ന ദൃശ്യങ്ങളൊഴികെ മറ്റു സിസിടിവി ദൃശ്യങ്ങള്, പെന്ഡ്രൈവ്, സിഡി തുടങ്ങിയവയുടെ വിവരങ്ങളും ഇതോടൊപ്പം നല്കും. രേഖകള് ആവശ്യപ്പെട്ട് ദിലീപ് നല്കിയ ഹര്ജി പരിഗണിച്ച കോടതി, തെളിവുകളുടെയും രേഖകളുടെയും പട്ടിക തയ്യാറാക്കി സത്യവാങ്മൂലം നല്കാന് പോലീസിനോട് ആവശ്യപ്പെട്ടിരുന്നു.
ഇതു പ്രകാരം രേഖകളും തെളിവുകളും ദിലീപിന് കൈപ്പറ്റാനാകും. നടിയെ ആക്രമിക്കുന്ന ദൃശ്യങ്ങളുടെ പകര്പ്പ് ആവശ്യപ്പെട്ടുള്ള ദിലീപിന്റെ ഹര്ജി അഞ്ചിന് പരിഗണിക്കും.
https://www.facebook.com/Malayalivartha