ചെയ്ത് പോയ തെറ്റിന് എന്റെ ജീവനെ നിങ്ങള്‍ക്ക് തരാന്‍ ഉള്ളൂ...അതില്‍ കുറഞ്ഞ് എന്ത് തന്നാലും മതിയാവില്ല; സഹോദരിയെ ശല്യപ്പെടുത്തുന്നത് ചോദ്യം ചെയ്ത സഹോദരന്റെ ജീവനെടുത്ത ഓട്ടോ ഡ്രൈവറുടെ ആത്മഹത്യാ കുറിപ്പ് പുറത്ത്...
ഇരിങ്ങാലക്കുടയിലെ സുജിത്ത് വധക്കേസിലെ പ്രതി മിഥുനെ ആത്മഹത്യയ്ക്ക് ശ്രമിച്ച നിലയില്‍ കണ്ടെത്തി. സുജിത്തിന്‍റെ വീടിനടുത്തുള്ള പറമ്പില്‍ ഗുരുതരാവസ്ഥയില്‍ കണ്ടെത്തിയ മിഥുനെ ആശുപത്രിയില്‍ പ്രവേശിപ്പിച്ചു. ഇയാള്‍ എ‍ഴുതിയ ആത്മഹത്യ കുറിപ്പും പോലീസിന് ലഭിച്ചു. സഹോദരിയെ ശല്യം ചെയ്തത് ചോദ്യം ചെയ്തതിന്‍റെ വൈരാഗ്യത്തില്‍ ക‍ഴിഞ്ഞ ഞായറാ‍ഴ്ച്ചയാണ് മിഥുന്‍ സുജിത്തിനെ മര്‍ദ്ദിച്ചത്. ചികിത്സയില്‍ ക‍ഴിയവെ ബുധനാ‍ഴ്ച്ച പുലര്‍ച്ചെയാണ് സുജിത്ത് മരിച്ചത്.
സുജിത്ത് വധക്കേസിലെ പ്രതി ഓട്ടോ ഡ്രൈവറായ മിഥുനെ കണ്ടെത്താന്‍ മര്‍ദ്ദനം നടന്ന് ഒരാ‍ഴ്ച്ച പിന്നിട്ടിട്ടും പോലീസിന് സാധിച്ചിരുന്നില്ല. പ്രതിക്കായി അന്വേഷണം നടക്കവെയാണ്, കൊല്ലപ്പെട്ട സുജിത്തിന്‍റെ വീടിനടുത്ത് മിഥുനെ ആത്മഹത്യയ്ക്ക് ശ്രമിച്ച നിലയില്‍ കണ്ടെത്തിയത്. കൈയിലെ ഞരമ്പ് മുറിച്ച് ഗുരുതരാവസ്ഥയിലായിരുന്നു മിഥുന്‍. മിഥുനെ ഇരിങ്ങാലക്കുട സഹകരണ ആശുപത്രിയില്‍ പ്രവേശിപ്പിച്ചു. ശരീരത്തില്‍ നിന്ന് ആത്മഹത്യ കുറിപ്പും കണ്ടെത്തി.
ആത്മഹത്യാ കുറിപ്പ് ഇങ്ങനെ...
അറിഞ്ഞു കൊണ്ട് ചെയ്തതല്ല പറ്റിപോയി ഒരിക്കലും തിരുത്താന്‍ പറ്റാത്ത തെറ്റാണ് ആ തെറ്റിന് എന്റെ ജീവനല്ലാതെ വേറൊന്നും തരാനില്ല എനിക്ക്. ഒരാള്‍ നമ്മുടെ മുഖത്ത് നോക്കി പലവട്ടം ശിഖണ്ഡി എന്നൊക്കെ വിളിക്കുമ്ബോള്‍ ആരായാലും പ്രതികരിക്കില്ലേ. അവന്‍ മരിക്കണം എന്ന് ചിന്തിച്ചിട്ട് പോലുമില്ല. ഞാന്‍ സത്യം പറഞ്ഞാല്‍ ഒരു സ്വപ്നം കണ്ടപോലെ ആണ് എനിക്കിപ്പോഴും തോനുന്നത്. എനിക്ക് വിശ്വസിക്കാന്‍ കഴിയുന്നില്ല. ജീവിതത്തില്‍ ആദ്യമായാണ് ഒരാളെ അടിക്കുന്നത് അയാള്‍ മരിക്കന്നു. എന്റെ അവസ്ഥ മനു ആലോചിച്ചു നോക്കു. എത്ര ഭീകരമായ അവസ്ഥ ആണെന്ന്.
പിന്നെ നിന്റെ ചേച്ചിയെ ഒരിക്കലും ഞാന്‍ ശല്യം ചെയ്തിട്ടില്ല. എനിക്ക് ഇഷ്ടമാണെന്നോ ഇഷ്ടപ്പെടണം അങ്ങനെ ഒന്നും ഞാന്‍ പറഞ്ഞിട്ടില്ല. ഒരു നോട്ടം കൊണ്ട് പോലും അതിനെ തെറ്റായി ഞാന്‍ കണ്ടിട്ടില്ല. അവളെ പോലെ ഒരു നല്ല കുട്ടിയെ ഭംഗി കൊണ്ടല്ല സ്വഭാവം കൊണ്ട് ഇതു വരെയുള്ള ലൈഫില്‍ ഞാന്‍ കണ്ടിട്ടില്ല. എന്തു കൊണ്ടാണ് അവള്‍ എന്റെ കണ്ണില്‍ ഒരു ഭ്രാന്തായി മാറിയതെന്ന് അറിയോ? അവസാന കാലം വരെ കൂടെ ഉണ്ടാകും എന്നുള്ള ഉറപ്പ്. ഇപ്പോഴത്തെ കുറെ പെണ്‍കുട്ടികള്‍ ഉണ്ട് നാല് ദിവസം ഭര്‍ത്താവിന്റെ കൂടെ അഞ്ചാം ദിവസം അവര്‍ വേറെ ആരുടെ എങ്കിലും കൂടെ ആകും. അങ്ങനെ ആകില്ല എന്നുറപ്പുള്ളതുകൊണ്ട് അതുപോലെയുള്ള അമ്മയെ ഭാര്യയെ മകളെ കിട്ടാന്‍ പുണ്യം ചെയ്യണം എന്തായാലും എല്ലാം കഴിഞ്ഞു. വേഗം ഒരു ജോലിക്ക് പോയി ചേച്ചിക്ക് ഹെല്‍പ് ചെയ്യണം എല്ലാവരോടും good bye
ചെയ്തു പോയ തെറ്റിന് എന്റെ ജീവനെ നിങ്ങള്‍ക്കു തരാന്‍ ഉള്ളു അതില്‍ കുറഞ്ഞു എന്തു തന്നാലും മതിയാവില്ല എന്നെനിക്കറിയാം ഒരു മനുഷ്യന്‍ എന്റെ കൈ കൊണ്ട് ഇല്ലാതായിട്ട് എനിക്കൊരിക്കലും ജീവിക്കാന്‍ കഴിയില്ല വേദനിപ്പിച്ചതിനു ഒരിക്കല്‍ കൂടെ മാപ്പ് പറയാണ് all of you thank you and good bye
https://www.facebook.com/Malayalivartha
