പ്ലസ് വണ്‍ വിദ്യാര്‍ഥിനി സ്കൂൾ കെട്ടിടത്തിൽ നിന്നും താഴേക്ക് ചാടി ആത്മഹത്യ ചെയ്യാൻ ശ്രമിച്ചു. കൊല്ലം ചാത്തിനാംകുളം എം.എസ്.എം.എച്ച്‌​.എസ്.എസിലാണ് സംഭവം.

ഇന്നു രാവിലെ സ്കൂളിലെത്തിയ കുട്ടി ക്ലാസ് തുടങ്ങുന്നതിന് മുൻപ് ഒമ്പതോടെ സ്കൂള്‍ കെട്ടിടത്തി​ന്റെ രണ്ടാം നിലയില്‍ നിന്നും ചാടുകയായിരുന്നു. കുട്ടിയെ പാലത്തറയിലെ സ്വകാര്യ ആശുപത്രിയില്‍ പ്രവേശിപ്പിച്ചിട്ടുണ്ട്. നട്ടെല്ലിന് നേരിയ ക്ഷതം സംഭവിച്ചിട്ടുണ്ടെന്ന് ആശുപത്രി അധികൃതര്‍ പറഞ്ഞു. മറ്റ് പരിക്കുകളൊന്നും തന്നെ ഇല്ല. കുടുംബ പ്രശ്നങ്ങളാണ് കാരണമെന്നാണ് സ്കൂള്‍ അധികൃതര്‍ പറയുന്നത്.