കഴിഞ്ഞ വർഷം ഫെബ്രുവരിയിലാണ് മൂലമറ്റം ഇലപ്പള്ളി കുപ്പിലാനിക്കല്‍ അന്നമ്മ(96) മരിച്ചത്. ദുരൂഹ സാഹചര്യത്തില്‍ തലയ്ക്ക് അടിയേറ്റു അന്നമ്മ മരിച്ച സംഭവത്തില്‍ ക്രൈംബ്രാഞ്ച് അന്വേഷണം തുടങ്ങി. വീടിന്റെ മുറ്റത്തു ഗ്രാമ്പു നിരത്തുന്നതിനിടയില്‍ തലയ്ക്കു ഗുരുതരമായി പരുക്കേല്‍ക്കുകയായിരുന്നു തുടർന്നായിരുന്നു മരണം.

ഇവരുടെ കഴുത്തില്‍ ഉണ്ടായിരുന്ന സ്വര്‍ണ്ണമാലയും നഷ്ട്ടപ്പെട്ടു. ഈ മാല കണ്ടെത്താനായി ക്രൈംബ്രാഞ്ച് നടത്തിയ അന്വേഷണത്തില്‍ വീടിനോടു ചേര്‍ന്നുള്ള സെപ്റ്റിക്ക് ടാങ്കില്‍ നിന്ന് ആരുടെ എന്ന് തിരിച്ചറിയാന്‍ കഴിയാത്ത മൊബൈല്‍ ഫോണ്‍ കണ്ടെടുത്തു. ദുരൂഹ സാഹചര്യത്തിൽ മരിച്ച അന്നമ്മയുടെ അയല്‍വാസിയുടെ വീട്ടുവളപ്പിലെ സെപ്ടിക് ടാങ്കില്‍ നിന്നാണു ഫോണ്‍ കണ്ടെടുത്തത്.