അപ്പൂപ്പൻ ഊരിലെ പെരിയ മാന്യൻ; പെണ്മക്കളെ കെട്ടിച്ചത് വൻ തുക സ്ത്രീധനമായി നൽകി... മകന് നഗരസഭാ ജീവനക്കാരന്: പത്ത് രൂപ നോട്ട് കാണിച്ച് നാലുവയസുകാരനെ തട്ടിക്കൊണ്ടുപോകാൻ ശ്രമിച്ച ചിന്നപ്പയെ കുറിച്ച് പോലീസ് പറയുന്നത് ഇങ്ങനെ...
പാണാവള്ളി അരയങ്കാവില് കുട്ടിയെ തട്ടിക്കൊണ്ടുപോകാന് ശ്രമിച്ച കേസില് പിടിയിലായ ആന്ധ്ര സ്വദേശി നാട്ടില് മാന്യമായി ജീവിതം നയിച്ചിരുന്നയാള്. പിടിയിലായ ആന്ധ്ര അനന്തപുര് വീരബലിക്കോട്ട സ്വദേശി ചിന്നപ്പ (71) പത്തു വര്ഷത്തോളമായി വീട്ടിലെത്തിയിരുന്നതു വല്ലപ്പോഴുമാണ്. അനന്തപുരിലെ നഗരസഭാ ജീവനക്കാരനാണ് ഇയാളുടെ ഏക മകന്. മൂന്നു പെണ്മക്കളെ വന് തുക സ്ത്രീധനം നല്കി വര്ഷങ്ങള്ക്കു മുന്പു തന്നെ വിവാഹം ചെയ്തയച്ചതായും പൊലീസ് കണ്ടെത്തി.
ചിന്നപ്പയ്ക്ക് ഇതര സംസ്ഥാന ഭിക്ഷാടനമാഫിയയുമായി ബന്ധമുണ്ടോ, മറ്റു ക്രിമിനല് കുറ്റങ്ങളുണ്ടോ തുടങ്ങിയ കാര്യങ്ങളില് അന്വേഷണം നടത്തിവരികയാണെന്നും ആലപ്പുഴ ജില്ലാ പൊലീസ് മേധാവി എസ്.സുരേന്ദ്രന് പറഞ്ഞു. ചിന്നപ്പയെക്കുറിച്ച് ഇതുവരെ നടത്തിയ അന്വേഷണത്തില് സംശയാസ്പദമായ ഒന്നും കണ്ടെത്തിയിട്ടില്ല.
ചിന്നപ്പയ്ക്കു മാനസിക പ്രശ്നങ്ങളുണ്ടോ എന്ന കാര്യവും അന്വേഷിക്കുന്നുണ്ട്. മുഴുവന് വിവരങ്ങളും ശേഖരിച്ച ശേഷമേ അന്വേഷണ സംഘം തിരിച്ചെത്തൂ എന്നും എസ്പി പറഞ്ഞു. അനന്തപുരിലെ അസിസ്റ്റന്റ് കമ്മിഷണര് ലക്ഷ്മി എന്.കദ്രിയുടെ സഹായത്തോടെയാണു കേരള പൊലീസ് സംഘം അന്വേഷണം തുടരുന്നത്. പ്രാദേശിക പൊലീസ് കേന്ദ്രങ്ങളിലെ ഫയലുകള് പരിശോധിച്ചുവരികയാണ്. ജില്ലാ പൊലീസ് മേധാവിയുടെ നേതൃത്വത്തില് ഇന്നലെ വീണ്ടും പൊലീസ് സംഘം കുട്ടിയുടെ വീട്ടിലും പരിസരപ്രദേശങ്ങളിലും അന്വേഷണം നടത്തിയിരുന്നു.
https://www.facebook.com/Malayalivartha
