സ്പീക്കര്‍ ഉള്‍പ്പെടെ ഭരണകക്ഷിയില്‍ പെട്ടവര്‍ ചികില്‍സയ്ക്കും മറ്റ് ആനുകൂല്യങ്ങള്‍ക്കുമായി ലക്ഷങ്ങള്‍ ഖജനാവില്‍ നിന്ന് എഴുതിയെടുത്തത് വിവാദമാകുമ്പോള്‍ പ്രതിപക്ഷനേതാവും മോശമല്ല. ഈ സര്‍ക്കാര്‍ അധികാരത്തില്‍ വന്ന ശേഷം വിവിധ ആവശ്യങ്ങള്‍ക്കായി 14 ലക്ഷത്തിലധികം രൂപയാണ് പ്രതിപക്ഷനേതാവ് രമേശ് ചെന്നിത്തല കൈപ്പറ്റിയത്. ടി.എ, ഡി.എ വകയില്‍ 55,6061 രൂപയും വിമാനയാത്ര ചാര്‍ജ്ജിന് 41,2819 രൂപയും ടെലിഫോണ്‍ ബില്ലായി 39,1872 രൂപയും മെഡിക്കല്‍ ചെലവിനായി 96,269 രൂപയുമാണ് ചെന്നിത്തല സ്വന്തമാക്കിയതെന്ന് നിയമസഭാ രേഖകള്‍ വ്യക്തമാക്കുന്നു.

മുന്‍ മന്ത്രി തോമസ് ചാണ്ടി ഉമ്മന്‍ചാണ്ടി മുഖ്യമന്ത്രിയായിരുന്നപ്പോള്‍ കാന്‍സര്‍ചികില്‍സയ്ക്ക് അമേരിക്കയില്‍ പോയതിന് രണ്ട് കോടി രൂപയാണ് പൊതു ഖജനാവില്‍ നിന്ന് കൈപ്പറ്റിയത്. അതുപോലെ കോടീശ്വരനായ കെ.മുരളീധരന്‍ എം.എല്‍.എ മകന്റെ ചികില്‍സയ്ക്ക് 16 ലക്ഷത്തോളം രൂപയാണ് ഈ സര്‍ക്കാരിന്റെ കാലത്ത് കൈപ്പറ്റിയത്.