ഛത്തീസ്ഗഡ് സുക്മയില്‍ സര്‍ക്കാര്‍ 10 ലക്ഷം രൂപ തലയ്ക്ക് വിലയിട്ട മാവോയിസ്‌റ് നേതാവ് ബദ്രുവ് ഉള്‍പ്പടെ 9 മാവോയിസ്റ്റുകള്‍ കീഴടങ്ങി. എ എസ് പി സിദ്ധാര്‍ത്ഥ് തിവാരിയുടെ സാന്നിധ്യത്തിലാണ് മാവോയിസ്റ്റുകള്‍ കീഴടങ്ങിയത്. ഭീകരസംഘടനയിലെ ഡിവിസി കമാന്‍ഡറാണ് ബദ്രുവെന്ന് എ എസ് പി സിദ്ധാര്‍ത്ഥ് തിവാരി പറഞ്ഞു.

2011ല്‍ രാജ്‌നാടഗാവ് ജില്ലയിലെ പോലീസ് സ്‌റ്റേഷന് നേരെ നടത്തി ഭീകരാക്രമണത്തില്‍ ബദ്രു ഉണ്ടായിരുന്നു. നിരന്തരമായ ഏറ്റുമുട്ടലുകളെ തുടര്‍ന്ന് കമ്മ്യൂണിസ്റ്റ് ഭീകരരുടെ പ്രവര്‍ത്തനം ദുര്‍ബലമായതിനെ തുടര്‍ന്നാണ് ഇവര്‍ കീഴടങ്ങിയതെന്ന് പോലീസ് അറിയിച്ചു.