മദ്യം കുടിച്ച് അബോധാവസ്ഥയിൽ അർധന​ഗ്നയായി റോഡിൽ കിരുന്ന യുവതിയെ പോലീസ് സ്റ്റേഷനിൽ എത്തിച്ച പോലീസ് പിടിച്ചത് പുലിവാൽ. ജഹീറാ​ഗ് റോഡിന് സമീപം സഹേറ ന​ഗറിലായിരുന്നു യുവതി കിടന്നത്. ഈ വിവരം അറിഞ്ഞയുടൻ വനിതാ പോലീസുക്കാർ ചേർന്ന് യുവതിയെ സ്റ്റേഷനിലേക്ക് കൊണ്ടുവരികയായിരുന്നു. ഇവിടെ വച്ച് ഓടി രക്ഷപ്പെടാൻ ശ്രമിച്ച യുവതിയെ പൊലീസുകാർ ചേർന്ന് പിടിച്ചുവച്ചു. ഇതിൽ പ്രകോപിതയായ യുവതി വനിതാ പൊലീസുകാരെ മർദ്ദിക്കുകയും അസഭ്യം പറയുകയും ചെയ്തിരുന്നു. തുടർന്ന് ബലംപ്രയോഗിച്ച് യുവതിയെ പൊലീസുകാർ ചേർന്ന് പൊലീസ് സ്റ്റേഷനിലെത്തിച്ചു.

മദ്യലഹരിയിലായിരുന്നു യുവതി വസ്ത്രങ്ങൾ അഴിക്കാൻ ശ്രമിച്ചു. ഇത് തടയാൻ ശ്രമിച്ച വനിതാ പോലീസിനെ യുവതി മർദിക്കുകയായിരുന്നു. പൊലീസ് സ്റ്റേഷനുള്ളിൽ വച്ച് വനിതാ പൊലീസുകാരെ മർദ്ദിച്ച യുവതിക്കെതിരെ കേസ് എടുത്തു. ഹൈദരാബാദിലെ ബഞ്ചാര ഹിൽസ് പൊലീസ് സ്റ്റേഷനിൽ ശനിയാഴ്ച രാത്രിയിലായിരുന്നു സംഭവം നടന്നത്. യുവതി പൊലീസുകാരെ മർദ്ദിക്കുന്നതിന്റെ ദൃശ്യങ്ങൾ സോഷ്യൽമീഡിയയിൽ വൈറലാകുകയാണ്.കോൺസ്റ്റബിളിനെ മർദ്ദിക്കുന്നതിനിടെ നിയന്ത്രണം വിട്ട യുവതി തറയിലേക്ക് വീഴുന്നതും പുറത്തുവന്ന് വീഡിയോയിൽ വ്യക്തമായി കാണാമായിരുന്നു. പൊലീസുകാരെ ഭീഷണിപ്പെടുത്തുന്നതും വീഡിയോയിൽ കാണാം.