തന്റെ സ്വന്തം ഇഷ്ടപ്രകാരമാണ് ബുര്ഖ ധരിക്കുന്നത്; ഇത്തരം പ്രസ്താവനകള് കേള്ക്കുമ്ബോള് തന്റെ ഉള്ളിലെ തീ ആളിക്കത്താറുണ്ട്; തസ്ലീമ നസ്രിന് മറുപടിയുമായി റഹ്മാന്റെ മകള് ഖദീജ റഹമാൻ
സംഗീത സംവിധായകന് എ.ആര് റഹ്മാന്റെ മകള് ഖദീജ റഹമാനെ കുറിച്ചുള്ള അഭിപ്രായവുമായി എഴുത്തുകാരിയും സ്ത്രീപക്ഷവാദിയുമായ തസ്ലീമ നസ്രിന് രംഗത്ത് . ബുര്ഖ ധരിച്ച റഹ്മാന്റെ മകളെ കാണുമ്ബോള് തനിക്ക് ശ്വാസം മുട്ടലുണ്ടാകുന്നു എന്നാണ് തസ്ലീമ നസ്രിന് ട്വിറ്ററിലൂടെ പറഞ്ഞിരിക്കുന്നത്. തനിക്ക് എ.ആര് റഹ്മാന്റെ സംഗീതം വളരെ ഇഷ്ടമാണ്, എന്നാല് സംസ്കാരമുള്ള കുടുംബത്തില് നിന്നും വരുന്ന വിദ്യാഭ്യാസം നേടിയ ഒരു സ്ത്രീ പോലും അനായാസമായി മസ്തിഷ്കപ്രക്ഷാളനത്തിന് വിധേയയാക്കപ്പെടാം താന് മനസിലാക്കുന്നു എന്ന് തസ്ലീമ പറയുന്നു. ഖദീജയുടെ ബുര്ഖ ധരിച്ച ചിത്രം കൂടി തസ്ലീമ തന്റെ ട്വീറ്റിനൊപ്പം നല്കിയിട്ടുണ്ടായിരുന്നു .
സംഗതി വൈറലായതിന് പിന്നാലെ തസ്ലീമയുടെ അഭിപ്രായത്തിന് മറുപടിയുമായി ഖദീജ തന്നെ രംഗത്തെത്തുകയായിരുന്നു. രാജ്യം പലതരം അവസ്ഥകളിലൂടെ കടന്നുപോകുകയാണ്. ചിലര് മറ്റുള്ളവരുടെ വസ്ത്രത്തിന്റെ കാര്യമാണ് ചിന്തിക്കുന്നത്. താന് തന്റെ സ്വന്തം ഇഷ്ടപ്രകാരമാണ് ബുര്ഖ ധരിക്കുന്നതെന്നും ഇത്തരം പ്രസ്താവനകള് കേള്ക്കുമ്ബോള് തന്റെ ഉള്ളിലെ തീ ആളിക്കത്താറുണ്ടെന്നും ഖദീജ പറയുന്നു. ഇന്സ്റ്റാഗ്രാമിലൂടെയായിരുന്നു റഹ്മാന്റെ മകള് ഈ പ്രതികരണം നടത്തിയിരിക്കുന്നത്. തന്റെ വേഷം കാരണം തസ്ലീമയ്ക്ക് ശ്വാസം മുട്ടുന്നുവെങ്കില് അല്പ്പം ശുദ്ധവായു ശ്വസിക്കണമെന്നും ഖദീജ പരിഹസിക്കുകയും ചെയ്തു . ഫെമിനിസം എന്നാല് മറ്റ് സ്ത്രീകളെ ഇടിച്ചു താഴ്ത്തുന്നതോ ഓരോ വിഷയങ്ങളിലേക്ക് അവരുടെ പിതാക്കന്മാരെ വലിച്ചിഴയ്ക്കുന്നതോ അല്ല എന്നും അവർ പറഞ്ഞു . എന്റെ ചിത്രം ഞാന് നിങ്ങള്ക്ക് അയച്ചുതന്നതായി ഓര്ക്കുന്നില്ല. തന്റെ ചിത്രം അനുവാദമില്ലാതെ ഉപയോഗിച്ചതിനെ ചൂണ്ടിക്കാണിച്ചുകൊണ്ട് ഖദീജ പറയുകയും ചെയ്തു .
https://www.facebook.com/Malayalivartha