രാമക്ഷേത്ര ഭൂമിപൂജയിൽ മോദിക്കൊപ്പം പങ്കെടുത്ത നൃത്യ ഗോപാൽ ദാസിന് കോവിഡ് ..നൃത്യ ഗോപാൽ ദാസിനെ കൂടാതെ യു.പി ഗവര്‍ണര്‍ ആനന്ദി ബെന്‍ പട്ടേല്‍, മുഖ്യമന്ത്രി യോഗി ആദിത്യനാഥ്, ആർ.എസ്.എസ് അധ്യക്ഷൻ മോഹൻ ഭഗവത്, പുരോഹിതർ അടക്കമുള്ളവരാണ് ചടങ്ങുകളിൽ നേരിട്ട് പങ്കെടുത്തത്
ശ്രീ രാമ ജന്മഭൂമി തീര്‍ഥ ക്ഷേത്ര ട്രസ്റ്റ് അധ്യക്ഷന്‍ മഹന്ത് നൃത്യഗോപാല്‍ ദാസിന് കോവിഡ് സ്ഥിരീകരിച്ചു. ഉത്തർപ്രദേശ് മുഖ്യമന്ത്രിയുടെ ഓഫിസ് ആണ് ഇക്കാര്യം അറിയിച്ചത്. നൃത്യ ഗോപാൽ ദാസിന് അടി‍യന്തര ചികിത്സ നൽകാൻ നിർദേശിച്ചതായും ഓഫിസ് അറിയിച്ചു
ഒാഗസ്റ്റ് അ‍ഞ്ചിന് പ്രധാനമന്ത്രി നരേന്ദ്ര മോദിക്കൊപ്പം അയോധ്യയിലെ ഭൂമിപൂജയില്‍ നൃത്യഗോപാല്‍ ദാസ് പങ്കെടുത്തിരുന്നു. നൃത്യ ഗോപാൽ ദാസിനെ കൂടാതെ യു.പി ഗവര്‍ണര്‍ ആനന്ദി ബെന്‍ പട്ടേല്‍, മുഖ്യമന്ത്രി യോഗി ആദിത്യനാഥ്, ആർ.എസ്.എസ് അധ്യക്ഷൻ മോഹൻ ഭഗവത്, പുരോഹിതർ അടക്കമുള്ളവരാണ് ചടങ്ങുകളിൽ നേരിട്ട് പങ്കെടുത്തത്. കേന്ദ്ര സേനയുടെ കനത്ത സുരക്ഷ വലയത്തിൽ കോവിഡ് പ്രതിരോധ മാനദണ്ഡങ്ങൾ പാലിച്ചാണ് ചടങ്ങുകൾ നടന്നത്. എന്നാൽ, മോദി അടക്കമുള്ളവരുമായി ഇടപഴകിയ നൃത്യ ഗോപാൽ ദാസിനാണ് കോവിഡ് സ്ഥിരീകരിച്ചിട്ടുള്ളത് എന്നത് ആശങ്ക ഉണ്ടാക്കുന്നു
മഥുരയില്‍ കൃഷ്ണ ജന്മാഷ്ടമി ആഘോഷത്തില്‍ പങ്കെടുക്കുന്നതിനിടെ ശ്വാസതടസം അനുഭവപ്പെടുകയായിരുന്നു. നൃത്യഗോപാല്‍ദാസിനെ ചികില്‍സിക്കുന്ന ഡോക്ടര്‍മാരുടെ വിദഗ്ധസംഘവുമായി യുപി മുഖ്യമന്ത്രി യോഗി ആദിത്യനാഥ് സംസാരിച്ചു.
https://www.facebook.com/Malayalivartha
