ഇന്ത്യന്‍ സൈന്യത്തെ കൂടുതല്‍ ശക്തിപ്പെടുത്തുന്നതിനും സമന്വയിപ്പിച്ച് പ്രവര്ത്തനങ്ങള് ഉറപ്പാക്കുന്നതിനുമായി 2022-ഓടെ 5 തിയറ്റര്‍ കമാന്‍ഡുകള്‍ രൂപീകരിക്കാനൊരുങ്ങി ഇന്ത്യ
ഇന്ത്യന്‍ സൈന്യത്തെ കൂടുതല്‍ ശക്തിപ്പെടുത്തുന്നതിനും സമന്വയിപ്പിച്ച് പ്രവര്ത്തനങ്ങള് ഉറപ്പാക്കുന്നതിനുമായി 2022-ഓടെ 5 തിയറ്റര്‍ കമാന്‍ഡുകള്‍ രൂപീകരിക്കാനൊരുങ്ങി ഇന്ത്യ. കരസേന, നാവികസേന, വ്യോമസേന എന്നിവയിലെ ഓരോ വിഭാഗങ്ങളെ കേന്ദ്രീകരിച്ച് സംയുക്തമായി നിര്‍മിക്കുന്ന സേനയാണ് തിയറ്റര്‍ കമാന്‍ഡ്. അഞ്ച് തിയറ്റര്‍ കമാന്‍ഡുകളില്‍ ചൈനയ്ക്കും പാകിസ്ഥാനുമായുള്ള പ്രശ്‌നങ്ങള്‍ക്ക് ശ്രദ്ധ കൊടുക്കാന്‍ പ്രത്യേക കമാന്‍ഡുകള്‍ ഉണ്ടായിരിക്കും.
ലഡാക്കിലെ കാരക്കോറം പാസ് മുതല്‍ അരുണാചല്‍ പ്രദേശിലെ കിബിതു വരെയുള്ള പ്രദേശങ്ങള്‍ ഉള്‍പ്പെടുന്നതാണ് വടക്കന്‍ കമാന്‍ഡ്. ചൈനയുമായി അതിര്‍ത്തി പങ്കിടുന്ന പ്രദേശങ്ങളുള്‍പ്പെടുന്ന വടക്കന്‍ കമാന്‍ഡിന്റെ ആസ്ഥാനം ലക്‌നൗവാണ്. സിയാച്ചിനിലെ ഇന്ദിരാ കോള്‍ മുതല്‍ ഗുജറാത്ത് മുനമ്ബ് വരെയുള്ള പടിഞ്ഞാറന്‍ കമാന്‍ഡിന്റെ ആസ്ഥാനം ജയ്പൂര്‍ ആയിരിക്കും. പാകിസ്ഥാനുമായി അതിര്‍ത്തി പങ്കിടുന്ന പ്രദേശങ്ങളാണ് ഈ കമാന്‍ഡില്‍ ഉള്‍പ്പെടുന്നത്. പെനിന്‍സുലര്‍ കമാന്‍ഡ്, വ്യോമപ്രതിരോധ കമാന്‍ഡ്, നാവിക കമാന്‍ഡ്, എന്നിവയാണ് മറ്റ് സൈനിക കമാന്‍ഡുകള്‍. .
"
https://www.facebook.com/Malayalivartha
