യൂട്യൂബ് പുതിയ മട്ടിലും ഭാവത്തിലും എത്തിയിരിക്കുകയാണ്. കുട്ടികളിൽ പലരും യൂട്യൂബ് ഉപയോഗിക്കുമെന്നിരിക്കെ മുതിര്‍ന്നവര്‍ക്കായുള്ള ഉള്ളടക്കങ്ങളിലേക്ക് പോകുകയും ഇത് അവരുടെ സ്വഭാവ രൂപീകരണത്തിലടക്കം സ്വാധീനം ചെലുത്തുകയും ചെയ്യാറുണ്ട് എന്നതാണ് കാര്യം . ഇതിന് ഒരു ബദല്‍ മാര്‍ഗമെന്നോണമാണ് രക്ഷിതാക്കളുടെ നിയന്ത്രണത്തിലുള്ള ഒരു ഗൂഗിള്‍ അക്കൗണ്ട് വഴി പ്രധാന യൂട്യൂബ് ആപ്പ് ആസ്വദിക്കാന്‍ കുട്ടികളെ അനുവദിക്കുന്ന പുതിയ സൗകര്യം ഒരുക്കിയിരിക്കുന്നത് . ഇതില്‍ രക്ഷിതാക്കള്‍ക്കായി എക്സ്പ്ലോര്‍, എക്സ്പ്ലോര്‍ മോര്‍, മോസ്റ്റ് ഓഫ് യൂട്യൂബ് എന്നിങ്ങനെ മൂന്ന് വ്യത്യസ്ത കണ്ടന്റ് സെറ്റിങ്സ് ഉണ്ടാകും. ഇത് പ്രകാരം, കുട്ടികള്‍ ഏത് തരം ഉള്ളടക്കങ്ങള്‍ യൂട്യൂബില്‍ കാണണം എന്ന് തീരുമാനിക്കാന്‍ രക്ഷിതാക്കള്‍ക്ക് കഴിയും.

പുതിയ സംവിധാനം അനുസരിച്ച്‌ എക്സ്പ്ലോര്‍ (Explore) ഓപ്ഷന്‍ തിരഞ്ഞെടുത്താല്‍ കാണുന്ന ഉള്ളടക്കങ്ങള്‍ ഒമ്പത് വയസിന് മുകളിലുള്ള കുട്ടികള്‍ക്കുള്ളതാണ്. വ്ളോഗുകള്‍, ടൂട്ടോറിയലുകള്‍, ഗെയിമിങ് വീഡിയോകള്‍, പാട്ടുകള്‍, വാര്‍ത്തകള്‍, വിദ്യാഭ്യാസ ഉള്ളടക്കങ്ങള്‍ മാത്രമാവും ഈ വിഭാഗത്തില്‍ കാണാന്‍ കഴിയുന്നത്. എക്സ് പ്ലോര്‍ മോര്‍ (Explore More) എന്ന ഓപ്ഷനില്‍ 13 വയസിന് മുകളില്‍ പ്രായമുള്ള കുട്ടികള്‍ക്ക് അനുയോജ്യമായ വീഡിയോകളാണ് ഇപ്പോൾ ഉള്‍ക്കൊള്ളിച്ചിരിക്കുന്നത്. മോസ്റ്റ് ഓഫ് യൂട്യൂബ് (Most of Youtube) ഓപ്ഷനില്‍ യൂട്യൂബിലെ എല്ലാ കാണാന്‍ കുട്ടികളെ അനുവദിക്കും. എന്നാല്‍, 18 വയസിന് മുകളില്‍ പ്രായമുള്ളവര്‍ക്കുള്ള വീഡിയോകള്‍ ഉള്ളടക്കങ്ങള്‍ ഉണ്ടാവുന്നതല്ല.

യൂട്യൂബിന്റെ പുതിയ മാറ്റങ്ങൾ ഇനി ഏത് റസലൂഷന്‍ ഫോണിലും ലഭ്യമാക്കുന്നത് നേരത്തെ ചെയ്തിരുന്നു . ഏത് റസലൂഷന് ഡിസ്പ്ലേയുള്ള ആന്‍ഡ്രോയിഡ് സ്മാര്‍ട്ട്‌ഫോണുകളിലും ഇനി യുട്യൂബ് 4കെ വീഡിയോകള്‍ ആസ്വദിക്കുവാനുള്ള സംവിധാനങ്ങൾ ഒരുക്കിയിരുന്നു. നേരത്തെ ഫോണുകളുടെ റസലൂഷന്‍ അടിസ്ഥാനമാക്കിയാണ് യൂട്യൂബ് 4കെ റസലൂഷന്‍ നല്‍കിയിരുന്നത്. 9 ടു 5 ഗൂഗിളാണ് റെഡ്ഡിറ്റ് ത്രെഡ്ഡുകളെ അടിസ്ഥാനമാക്കി ഇക്കാര്യം റിപ്പോര്‍ട്ട് ചെയ്തത്.

ചില ഉപയോക്താക്കള്‍ യൂട്യൂബില്‍ 4കെ വീഡിയോ ഓപ്ഷന്‍ കണ്ടുവെന്ന് റെഡ്ഡിറ്റില്‍ പങ്കുവെച്ചിരുന്നു. ഈ ഓപ്ഷന്‍ 720 പിക്സല്‍ ഡിസ്പ്ലേ ഫോണുകളില്‍ വരെ ലഭ്യമായിരുന്നു. എന്നാല്‍, ഇത് എന്തോ സാങ്കേതിക പ്രശ്നമാണോ എന്ന് വരെ ചിലര്‍ സംശയിച്ചിരുന്നു . 1080 പിക്സല്‍ (ഫുള്‍ എച്ച്‌ഡി) ഡിസ്പ്ലേയുള്ള ആന്‍ഡ്രോയിഡ് ഫോണ്‍ ആണെങ്കിലും യൂട്യൂബില്‍ 4കെ വീഡിയോ കാണാമെന്നാണ് റിപ്പോര്‍ട്ട്. കുറച്ചു കൂടി വ്യക്തമായി ദൃശ്യങ്ങള്‍ കാണാന്‍ 4കെ മോഡില്‍ സാധിക്കുമെന്നതാണ് ഇതിന്റെ ഏറ്റവും വലിയ പ്രയോജനം.