കൊറോണ പോരാട്ടത്തിൽ തമിഴ്‌നാട് സർക്കാരിന് കൈത്താങ്ങായി തമിഴ് താരങ്ങൾ....സർക്കാരിന്റെ ദുരിതാശ്വാസ നിധിയിലേക്ക് സൂര്യയും കാർത്തിയും ചേർന്ന് നൽകിയത് ഒരു കോടി രൂപ...രജനീകാന്തിന്റെ മകൾ സൗന്ദര്യയും ഭർത്താവ് വിശാഖനും ഒരു കോടി രൂപ ധനസഹായമായി നൽകി ..നടൻ അജിത്ത് കൊറോണ ദുരിതാശ്വാസ പ്രവർത്തനങ്ങൾക്കായി നൽകിയത് 25 ലക്ഷം രൂപ

കൊറോണ പോരാട്ടത്തിൽ തമിഴ്‌നാട് സർക്കാരിന് കൈത്താങ്ങായി തമിഴ് താരങ്ങൾ. നടന്മാരായ സൂര്യ, കാർത്തി, അജിത്ത് എന്നിവരാണ് സംഭാവന നൽകിയത്. സർക്കാരിന്റെ ദുരിതാശ്വാസ നിധിയിലേക്ക് ഇരുവരും ചേർന്ന് ഒരു കോടി രൂപയാണ് സംഭാവന നൽകിയത്. മുഖ്യമന്ത്രി എം.കെ സ്റ്റാലിനെ നേരിൽ കണ്ടാണ് ഇവർ ചെക്ക് കൈമാറിയത്.

മലയാളികളോടു എന്നും അടുപ്പം സൂക്ഷിക്കുന്നവരാണ് തമിഴ് നടന്മാരും സഹോദരങ്ങളായ സൂര്യയും കാര്‍ത്തിയും.. കഴിഞ്ഞ പ്രളയ കാലത്ത്  പത്ത് ലക്ഷം രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇവര്‍ സംഭാവന നല്‍കിയിരുന്നു..അതിനു മുൻപത്തെ വര്ഷം കേരളം പ്രളയത്തില്‍ മുങ്ങിയപ്പോള്‍ ഇവര്‍ തങ്ങളുടെ പിന്തുണ അറിയിക്കുകയും ഇരുവരും ചേര്‍ന്ന് 25 ലക്ഷം രൂപ സര്‍ക്കാരിന്റെ ദുരിതാശ്വാസ നിധിയിലേക്ക് കൈമാരുകയും ചെയ്തിരുന്നു..

നടൻ അജിത്ത് 25 ലക്ഷം രൂപ കൊറോണ ദുരിതാശ്വാസ പ്രവർത്തനങ്ങൾക്കായി സംഭാവന ചെയ്തിരുന്നു. നടന്റെ മാനേജർ സുരേഷ് ചന്ദ്രയാണ് ട്വിറ്ററിലൂടെ ഈ വിവരം പങ്കുവച്ചത്. രജനീകാന്തിന്റെ മകൾ സൗന്ദര്യയും ഭർത്താവ് വിശാഖനും ഒരു കോടി രൂപ ധനസഹായമായി നൽകി. താരങ്ങൾക്ക് അഭിനന്ദനം അറിയിച്ച് നിരവധി ആരാധകരും രംഗത്തെത്തിയിട്ടുണ്ട്.

അതേസമയം തമിഴ്നാട്ടിൽ കൊറോണ പ്രതിസന്ധി രൂക്ഷമായി തുടരുകയാണ്. കഴിഞ്ഞ ദിവസം മാത്രം 30,000ൽ അധികം കൊറോണ കേസുകൾ റിപ്പോർട്ട് ചെയ്തിരുന്നു. ഓക്‌സിജൻ കിട്ടാതെ ആളുകൾ മരിക്കുന്നുവെന്ന വാർത്തകൾ അടക്കം പുറത്തുവരുന്നുണ്ട്. രോഗവ്യാപനം രൂക്ഷമായതോടെ സംസ്ഥാനത്ത് ലോക്ഡൗൺ പ്രഖ്യാപിച്ചിട്ടുണ്ട്.