മധ്യപ്രദേശിലെത്തിയ ഭാരത് ജോഡോ യാത്രയില്‍ രാഹുല്‍ ഗാന്ധിയുടെ സഹോദരിയും കോണ്‍ഗ്രസ് നേതാവുമായ പ്രിയങ്കാ ഗാന്ധിയും
മധ്യപ്രദേശിലെത്തിയ ഭാരത് ജോഡോ യാത്രയില്‍ രാഹുല്‍ ഗാന്ധിയുടെ സഹോദരിയും കോണ്‍ഗ്രസ് നേതാവുമായ പ്രിയങ്കാ ഗാന്ധി ചേര്‍ന്നു. ഇന്ന് രാവിലെയാണ് പ്രിയങ്കാ ഗാന്ധി എത്തിയത്.
മഹാരാഷ്ട്രയിലെ പര്യടനം പൂര്‍ത്തിയാക്കിയതിന് ശേഷം ബുധനാഴ്ചയാണ് ബിജെപി ഭരിക്കുന്ന മധ്യപ്രദേശില്‍ ഭാരത് ജോഡോ യാത്ര പ്രവേശിച്ചത്. ഖണ്ഡാവയിലെ ബോര്‍ഗാവില്‍ നിന്നുമാണ് യാത്ര ആരംഭിച്ചത്.
യാത്ര ഖാര്‍ഗോണില്‍ എത്തുന്നതിന് മുന്‍പ് സ്വാതന്ത്ര സമര സേനാനിയും ആദിവാസി നേതാവുമായിരുന്ന താന്തിയ ഭീലിന്റെ ജന്മസ്ഥലം രാഹുല്‍ഗന്ധി സന്ദര്‍ശിക്കും.
അതേസമയം, ഇവിടേക്കുള്ള കോണ്‍ഗ്രസിന്റെ സന്ദര്‍ശനം മുന്നില്‍ കണ്ട് മുഖ്യമന്ത്രി ശിവ് രാജ് സിംഗ് ചൗഹാന്‍ അടക്കമുള്ള നേതാക്കള്‍ ബുധനാഴ്ച താന്തിയ ഭീലിന്റെ ജന്മസ്ഥലത്തേക്ക് ജന്‍ജാതിയ ഗൗരവ് യാത്ര നടത്തിയിരുന്നു. മുഖ്യമന്ത്രിയെ കൂടാതെ നാല് മന്ത്രിമാരും യാത്രയില്‍ പങ്കെടുത്തു.
"
https://www.facebook.com/Malayalivartha
