ഇറാൻ പ്രസിഡന്റ് ഇബ്റാഹിം റഈസി ഹെലികോപ്റ്റർ അപകടത്തിലാണ് കൊല്ലപ്പെട്ട സംഭവത്തിൽ അനുശോചിച്ച് പ്രധാനമന്ത്രി നരേന്ദ്ര മോദി . ഇന്ത്യ ഇറാനൊപ്പം നിൽക്കുന്നു. ഇന്ത്യ-ഇറാൻ ഉഭയകക്ഷി ബന്ധം ശക്തിപ്പെടുത്തുന്നതിൽ റഈസി നൽകിയ സംഭാവനകൾ എന്നും ഓർമ്മിക്കപ്പെടും . റഈസിയുടെ കുടുംബത്തിനും ഇറാനിലെ ജനങ്ങൾക്കും ഹൃദയംഗമമായ അനുശോചനം അറിയിക്കുന്നു എന്നായിരുന്നു നരേന്ദ്ര മോദി എക്‌സിലൂടെ അറിയിച്ചത്.

അദ്ദേഹം അപകടത്തിൽപ്പെട്ടു എന്നറിഞപ്പോൾ മോദി എക്‌സിൽ കുറിച്ചത് ഇപ്രകാരമായിരുന്നു ;പ്രസിഡൻറ് റെയ്‌സിയുടെ ഹെലികോപ്റ്റർ അപകടത്തിൽപ്പെട്ട റിപ്പോർട്ടുകളിൽ അഗാധമായ ആശങ്കയുണ്ട്.ദുരിതത്തിൻ്റെ ഈ വേളയിൽ ഞങ്ങൾ ഇറാനിയൻ ജനതയോട് ഐക്യദാർഢ്യം പ്രകടിപ്പിക്കുകയും പ്രസിഡൻ്റിൻ്റെയും അദ്ദേഹത്തിൻ്റെ സംഘത്തിൻ്റെയും ക്ഷേമത്തിനായി പ്രാർത്ഥിക്കുകയും ചെയ്യുന്നു എന്നായിരുന്നു നരേന്ദ്ര മോദി എക്‌സിലൂടെ അറിയിച്ചത്.

ഇറാൻ വിദേശകാര്യ മന്ത്രി ഹുസൈൻ അമീറബ്ദുല്ലാഹിയാൻ, കിഴക്കൻ അസർബൈജാൻ പ്രവിശ്യാ ഗവർണർ മാലിക് റഹ്മത്തി, കിഴക്കൻ അസർബൈജാനിലേക്കുള്ള ഇറാനിയൻ പരമോന്നത നേതാവിന്റെ പ്രതിനിധി ആയത്തുല്ല മുഹമ്മദ് അലി ആലു ഹാഷി അടക്കമുള്ളവരാണ് ഹെലികോപ്ടറിലുണ്ടായിരുന്നത്. ഹെലികോപ്ടറിലുണ്ടായിരുന്ന എല്ലാവരും കൊല്ലപ്പെട്ടു. ചില മൃതദേഹങ്ങൾ തിരിച്ചറിയാനാകാത്ത വിധം കത്തിക്കരിഞ്ഞതായും ആരാണെന്ന് തിരിച്ചറിയാൻ സാധിച്ചിട്ടില്ലെന്നും ഇറാൻ അധികൃതർ പറയുന്നതായി റിപ്പോര്‍ട്ട് ചെയ്തു.