റിയല്‍ എസ്റ്റേറ്റ് ഡീലറായ 30കാരി മരിച്ച സംഭവം; ഒരു കോടി രൂപയുടെ ഇന്‍ഷുറന്‍സ് തുക കിട്ടാന്‍ പങ്കാളി കൊന്നതെന്ന് കുടുംബം
റിയല്‍ എസ്റ്റേറ്റ് ഡീലറായ യുവതി മരിച്ച സംഭവത്തില്‍ ദുരൂഹത ആരോപിച്ച് കുടുംബം. ഗീത ശര്‍മ എന്ന മുപ്പതുകാരിയെയാണ് വെള്ളിയാഴ്ച ലക്‌നൗവിലെ പിജിഐ മേഖലയില്‍ മരിച്ചനിലയില്‍ കണ്ടെത്തിയത്. ഗീതയ്ക്കൊപ്പം താമസിച്ചിരുന്ന ലിവ്-ഇന്‍ പങ്കാളിയായ ഗിരിജ ശങ്കര്‍ കൊലപ്പെടുത്തി ഉപേക്ഷിച്ചെന്നാണ് കുടുംബത്തിന്റെ ആരോപണം.
റായ്ബറേലി സ്വദേശിയായ ഗീത, ഏറെ നാളായി പിജിഐയില്‍ ഗിരിജാ ശങ്കറിനൊപ്പമായിരുന്നു താമസം. ഗീതയ്ക്ക് അപകടത്തില്‍ പരുക്കേറ്റുവെന്നും ആശുപത്രിയിലാണെന്നുമാണ് ഗിരിജാ ശങ്കര്‍ തന്നോടു പറഞ്ഞതെന്ന് ഗീതയുടെ സഹോദരന്‍ ലാല്‍ചന്ദ് പൊലീസിനു നല്‍കിയ പരാതിയില്‍ ആരോപിക്കുന്നു. എന്നാല്‍ റോഡില്‍ ബോധരഹിതയായി കിടന്ന ഗീതയെ നാട്ടുകാരാണ് കണ്ടതും പൊലീസില്‍ അറിയിച്ചതും. ആശുപത്രിയിലെത്തിച്ചെങ്കിലും രക്ഷിക്കാനായില്ല.
ഗീതയുടെ പേരില്‍ ഒരു കോടി രൂപയുടെ ഇന്‍ഷുറന്‍സ് പോളിസിയുണ്ടെന്നും ഇതില്‍ അവകാശിയായി ഗിരിജാശങ്കറിന്റെ പേരാണ് നല്‍കിയിട്ടുള്ളതെന്നും സഹോദരന്‍ പറഞ്ഞു. ഈ തുക തട്ടിയെടുക്കാന്‍ ഗിരിജാശങ്കര്‍ ഗീതയെ കൊലപ്പെടുത്തിയെന്നാണ് സഹോദരന്റെ ആരോപണം. സംഭവത്തില്‍ എസ്ജിപിജിഐ പൊലീസ് കേസെടുത്ത് അന്വേഷണം തുടങ്ങി.
https://www.facebook.com/Malayalivartha
