പല നിത്യോപയോഗ സാധനങ്ങളുടെയും വില കൂടും, മൊബൈല് ഫോണുകള്ക്ക് അഞ്ച് ശതമാനം കസ്റ്റംസ് തീരുവ
പൊതുബജറ്റില് വെളിച്ചെണ്ണയുടെയും ഭക്ഷ്യഎണ്ണകളുടെയും അടക്കം നിരവധി നിത്യോപയോഗ സാധനങ്ങളുടെ നികുതി വര്ദ്ധിപ്പിച്ചു. ഇതോടെ സാധാരണക്കാരന്റെ കുടുംബ ബജറ്റ് താളംതെറ്റുമെന്നുറപ്പായി. വെളിച്ചെണ്ണയ്ക്ക് 12.5 ശതമാനം നികുതിയില് നിന്ന് 30 ശതമാനമായാണ് കൂട്ടിയത്. അതുപോലെ ഭക്ഷ്യ എണ്ണകളുടെയും നികുതി കൂട്ടി. പഴച്ചാറുകള് വെജിറ്റബിള് ജ്യൂസ്, ഹെയര്ഓയില്, ഫര്ണിച്ചറുകള്, മെത്ത, ഗോള്ഡ് കവറിംഗ് ആഭരണങ്ങള്, ചെരുപ്പ്, കളിപ്പാട്ടം, വാച്ച് തുടങ്ങി സാധാരണക്കാര് ഉപയോഗിക്കുന്ന വസ്തുക്കളുടെയും നികിതി കുത്തനെ ഉയര്ത്തി. പട്ടുസാരി, സൗന്ദര്യ വര്ദ്ധക വസ്തുക്കള്, ദന്തസംരക്ഷണ വസ്തുക്കള്, വജ്രം, മുത്ത്, എല്.സി.ഡി ടിവികള്, മൊബൈല് ഫോണുകള്, ഒലിഡ് ടിവി, ഒപ്റ്റിക്കല് ഫൈബര് കേബിളുകള്, വീഡിയോ ഗെയിം എന്നിവയ്ക്കും വില കൂടും.
മൊബൈല് ഫോണുകളുടെ കസ്റ്റംസ് തീരുവ 15 ശതമാനത്തില് നിന്ന് 20 ശതമാനമാക്കി. അതേസമയം കശുവണ്ടി, സോളാര് പാനല്, ക്ലോക്കിയാര് ഇംപ്ലാന്റ് എന്നിവയ്ക്ക് വിലകുറയും.
https://www.facebook.com/Malayalivartha
