പൊതുബജറ്റില്‍ റെയില്‍വേയ്ക്ക് 1,48,500 കോടി വകയിരുത്തിയതായി ധനമന്ത്രി അരുണ്‍ ജെയ്റ്റ്‌ലി. സുരക്ഷയ്ക്കും ആധുനീകരണത്തിനുമാണ് പ്രധാന്യം നല്‍കിയിരിക്കുന്നത്. സുരക്ഷയുടെ ഭാഗമായി 12 ലക്ഷം സി.സി.ടി.വി ക്യാമറകള്‍ 11,000 ട്രെയിനുകളില്‍ സ്ഥാപിക്കും. 12 ലക്ഷം ക്യാമറകളാണ് വാങ്ങുന്നത്. സ്റ്റേഷനുകളിലും ക്യാമറകള്‍ സ്ഥാപിക്കും. ട്രെയിനുകളില്‍ വൈഫൈ സംവിധാനം ഏര്‍പ്പെടുത്തും. 18,000 കിലോമീറ്റര്‍ പാത ഇരട്ടിപ്പിക്കും. 25000ലധികം യാത്രക്കാരെത്തുന്ന സ്റ്റേഷനുകളില്‍ എസ്‌കലേറ്ററുകള്‍ സ്ഥാപിക്കും. നാലായിരം കിലോമീറ്റര്‍ റെയില്‍വേ ലൈന്‍ വൈദ്യുതീകരിക്കും. പാത ഇരട്ടിപ്പിക്കുന്നതോടെ അടിസ്ഥാനസൗകര്യ വികസനത്തിന് ആക്കം കൂട്ടും. എല്ലാ തീവണ്ടികളിലും വൈഫൈ സംവിധാനം ഏര്‍പ്പെടുത്തും. 600 റെയില്‍വേസ്റ്റേഷനുകള്‍ നവീകരിക്കും. വാണിജ്യ ആവശ്യങ്ങള്‍ക്ക് റെയില്‍വേ ഭൂമി പാട്ടത്തിന് നല്‍കും. 36,000 കിലോമീറ്റര്‍ പാത നവീകരിക്കും. കോട്ടയം ആലപ്പുഴ വഴിയുള്ള പാതകളുടെ ഇരട്ടിപ്പിക്കലിന് നല്ല വിഹിതം ലഭിക്കും.