ഇനി നായകൾക്കും പൂച്ചയ്ക്കും ബസിൽ യാത്ര ചെയ്യാം; സൗജന്യ യാത്രയല്ലെന്ന് മാത്രം..!
ഇനി നായകൾക്കും പൂച്ചയ്ക്കും പക്ഷികൾക്കുമൊക്കെ യജമാനനൊപ്പം ബസിൽ യാത്ര ചെയ്യാം. എന്ന് കരുതി സൗജന്യമായൊന്നും യാത്ര ചെയ്യാൻ കഴിയില്ല. നായയ്ക്ക് ഫുള് ചാർജും മുയല്, പൂച്ച, പക്ഷികള് എന്നിവയ്ക്ക് ഹാഫ് ടിക്കറ്റും എടുക്കണം. ഇവർക്ക് ബസില് യാത്ര ചെയ്യാൻ അനുവാദം നല്കിയിരിക്കുന്നത് കര്ണാടക ആര്ടിസിയാണ്. വളര്ത്തു മൃഗങ്ങളെ ബസില് കയറ്റാന് സമ്മതിക്കാത്തത് വലിയ പ്രതിഷേധത്തിന് വഴി വച്ചിരുന്നു. ഈ സാഹചര്യത്തിലാണ് കര്ണാടക ആര്ടിസി കഴിഞ്ഞ ദിവസം പുതിയ സര്ക്കുലർ പുറത്തിറക്കിയത്.
പുതിയ സര്ക്കുലർ പ്രകാരം വളര്ത്തുമൃഗങ്ങളെ ബസില് കൊണ്ടുപോകുന്നവര് മറ്റു യാത്രക്കാര്ക്കോ, ജീവനക്കാര്ക്കോ ബുദ്ധിമുട്ടുണ്ടാക്കുകയോസീറ്റുകള് നശിപ്പിക്കുകയോ ചെയ്യരുത്. ഇങ്ങനെ ഉണ്ടായാല് പൂർണ ഉത്തരവാദിത്തം ഉടമസ്തനായിരിക്കും. വളര്ത്തുമൃഗങ്ങള് ബസില് നാശനഷ്ടം വരുത്തിയാല് ഉടമ നഷ്ടപരിഹാരം നല്കാനും ബാധ്യസ്ഥനാണ്. വളര്ത്തു മൃഗങ്ങളുമായി കയറുന്നവരോട് ജീവനക്കാര് മാന്യമായി പെരുമാറണമെന്നും സര്ക്കുലറില് നിര്ദേശം നല്കിയിട്ടുണ്ട്.
https://www.facebook.com/Malayalivartha
