കോണ്‍ഗ്രസ് നേതാവ് ചിദംബരത്തിന്റെ മകന്‍ കാര്‍ത്തി അറസ്റ്റില്‍; ചട്ടങ്ങള്‍ മറികടന്ന് വിദേശ നിക്ഷേപം നടത്തിയതിനാണ് അറസ്റ്റ്
ഐ.എന്‍.എക്‌സ് മീഡിയാ പണമിടപാടില്‍ മുന്‍ കേന്ദ്രമന്ത്രി ചിദംബരത്തിന്റെ മകന്‍ കാര്‍ത്തി ചിദംബരം അറസ്റ്റിലായി. സി.ബി.ഐയെ ഉപയോഗിച്ച് കേന്ദ്രസര്‍ക്കാര്‍ രാഷ്ട്രീയ പകപോക്കല്‍ നടത്തുകയാണെന്ന് പി.ചിദംബരം ആരോപിച്ചു. ചെന്നൈ വിമാനത്താവളത്തില്‍വച്ച് ഇന്നു രാവിലെയാണ് സിബിഐയാണ് കാര്‍ത്തിയെ അറസ്റ്റു ചെയ്തത്. കാര്‍ത്തിയുടെ ഓഡിറ്റര്‍ ഭാസ്‌കര രാമനെ ഡല്‍ഹിയില്‍ എന്‍ഫോഴ്‌സ്‌മെന്റ് ഡയറക്ടറേറ്റ് നേരത്തെ അറസ്റ്റ് ചെയ്തിരുന്നു. 305 കോടി രൂപ വിദേശ നിക്ഷേപ ചട്ടങ്ങള്‍ മറികടന്ന് ഐ.എന്‍.എക്‌സ് മീഡിയയിലേക്ക് 2007ല്‍ എത്തിച്ചെന്നാണ് ആരോപണം. അന്നത്തെ ആഭ്യന്തരമന്ത്രിയായിരുന്ന പിതാവിനെ ഉപയോഗിച്ച് അട്ടിമറിക്കാന്‍ ശ്രമിച്ചെന്നും ആക്ഷേപമുണ്ട്.
ആരോപണത്തെ തുടര്‍ന്ന് ചിദംബരത്തിന്റെയും കാര്‍ത്തിയുടെയും വസതികളില്‍ സി.ബി.ഐ പരിശോധന നടത്തിയിരുന്നു. ഐഎന്‍എക്‌സ് മീഡിയയില്‍നിന്ന് ആദായനികുതി വകുപ്പിന്റെ അന്വേഷണം അട്ടിമറിക്കുന്നതിനായി കാര്‍ത്തി 3.5 കോടി രൂപ കോഴവാങ്ങിയതായി സിബിഐ അറിയിച്ചു. കാര്‍ത്തിയെ ഇന്ന് തന്നെ കോടതിയില്‍ ഹാജരാക്കുമെന്ന് സി.ബി.ഐ അറിയിച്ചു.
https://www.facebook.com/Malayalivartha
