ബിജെപി നേതാവും എംപിയുമായ പ്രതാപ് സിംഹക്കെതിരെ മാനനഷ്ടത്തിന് കേസ് കൊടുത്ത് നടന്‍ പ്രകാശ് രാജ്. സോഷ്യല്‍ മീഡിയയില്‍ അപകീര്‍ത്തികരമായി പോസ്റ്റ് ഇടുകയും വ്യക്തിപരമായി അധിക്ഷേപിച്ചെന്നും കാട്ടിയാണ് കേസ് നൽകിയത്. നഷ്ടപരിഹാര തുകയായി ആവശ്യപ്പെട്ടത് ഒരു രൂപയാണ്.

പ്രകാശ് രാജിന്‍റെ കുടുംബത്തിനെയും മരണപ്പെട്ട മകനെ പരാമര്‍ശിച്ചും പ്രതാപ് സിംഹ സോഷ്യൽ മീഡിയയിൽ പോസ്റ്റ് ഇട്ടിരുന്നു. ഇതിനെതിരെ പ്രതിഷേധം ശക്തമായതോടെ പോസ്റ്റ് പിൻവലിക്കുകയായിരുന്നു. എന്നാൽ താൻ കേസ് കൊടുത്തത് പണത്തിന് വേണ്ടിയല്ലെന്നും വ്യക്തിപരമായ പരാമര്‍ശങ്ങള്‍ നടത്തുന്ന രാഷ്ട്രീയ പ്രവര്‍ത്തകര്‍ക്ക് ഇതൊരു പാഠമാകണമെന്നും പ്രകാശ് രാജ് പറഞ്ഞു.