ഭര്ത്താവിന്റെ ക്രൂരപീഡനങ്ങള് പുറം ലോകത്തെ അറിയിച്ച് യുവതി ജീവനൊടുക്കി
ഭര്ത്താവിന്റെ ക്രൂരപീഡനങ്ങള് സഹിക്കാന് കഴിയാതെ സോഷ്യല് മീഡിയയിലൂടെ വെളിപ്പെടുത്തിയ യുവതി ജീവനൊടുക്കി. കഴിഞ്ഞ ദിവസമാണ് വെല്ലൂര് സ്വദേശിനിയായ സത്യ എന്ന 29 വയസുകാരി തൂങ്ങി മരിച്ചത്. തന്നെ രക്ഷിക്കണമെന്നും ഭര്ത്താവ് ശാരീരികമായി പീഡിപ്പിക്കുന്നുവെന്നും വിവരിച്ച് കൊണ്ട് യുവതി പകര്ത്തിയ വീഡിയോ സോഷ്യല് മീഡിയയില് പോസ്റ്റ് ചെയ്യുകയും ചെയ്തിരുന്നു.
ഭര്ത്താവ് മര്ദ്ദിച്ചതിന്റെ അടയാളങ്ങളും വീഡിയോയില് വ്യക്തമാണ്. വീഡിയോ സോഷ്യല് മീഡിയയില് വ്യപകമായി പ്രചരിച്ചതോടെ ആളുകള് ഇവരെ അന്വേഷിച്ച് എത്തിയിരുന്നെങ്കിലും ഇതിനോടകം അവര് ആത്മഹത്യ ചെയ്തു. സംഭവത്തില് സത്യയുടെ ഭര്ത്താവിനെ പോലീസ് അറസ്റ്റ് ചെയ്തു. വീഡിയോ ചിത്രീകരിച്ച ശേഷം സത്യ കുടുംബാംഗങ്ങള്ക്കും, സുഹൃത്തുക്കള്ക്കും അയച്ച് നല്കിയിരുന്നതായി പോലീസ് പറഞ്ഞു. എന്നാല് ഇതിന് ശേഷവും പീഡനം തുടര്ന്നതോടെയാണ് ആത്മഹത്യ ചെയ്തത്.
https://www.facebook.com/Malayalivartha
