ഉത്തര്‍പ്രദേശില്‍ ട്രെയിന്‍ ട്രക്കിലടിച്ച്‌ ലോക്കോ പൈലറ്റ് മരിച്ചു. ട്രെയിന്‍ വരുന്ന സമയത്ത് ലേവല്‍ ക്രോസ് തുറന്നിട്ടതിനാലാണ് അപകടം നടന്നത്. ട്രെയിന്‍ വരുന്നതറിയാതെ ട്രക്ക് തുറന്നിട്ട ലെവല്‍ ക്രോസ് കടക്കവെ ട്രെയിന്‍ ഇടിക്കുകയായിരുന്നു.

അപകടത്തില്‍ ടിടിആറിന് ഗുരുതരമായ പരുക്കേറ്റു. ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്. റെയിവെ അധികൃതരുടെ അനാസ്ഥയാണ് അപകടം ഉണ്ടാകാന്‍ കാരണമായത്. ട്രെയിന്‍ വരുന്നുണ്ടെന്ന മുന്നറിയിപ്പ് ലഭിച്ചിട്ടും ലെവല്‍ ക്രോസ് അടച്ചിട്ടിരുന്നില്ല.

തുറന്നിട്ട ലെവല്‍ ക്രേസിലൂടെ ട്രക്ക് മറുവശത്തേക്ക് കടക്കുമ്ബോഴാണ് അപകടം നടന്നത്. അവശിഷ്ടങ്ങളുടെ ഉള്ളില്‍ അകപ്പെട്ടതിനാല്‍ ഏറെ സമയത്തിനു ശേഷമാണ് ലോക്ക് പൈലറ്റിനെയും ടിടിആറിനെയും പുറത്തെടുത്തത്.

അപകടം നടന്ന ഉടന്‍ തന്നെ റെയില്‍വെ ഉദ്യോഗസ്ഥരും റെയിവെ പൊലീസും സ്ഥലത്തെത്തി. സംഭവവുമായി ബന്ധപ്പെട്ട് പൊലീസ് പ്രാഥമിക അന്വേഷണം നടത്തിയിരുന്നു. കൂടുതല്‍ അന്വേഷണം നടത്താന്‍ റെയിവെ ഉത്തരവിട്ടു.