ലൈംഗികാവയവങ്ങളുടെ ഘടനയും പ്രവർത്തനവും, പ്രത്യുത്പാദനം, ലൈംഗിക വേഴ്ച, ലൈംഗിക സംതൃപ്തി, ലൈംഗികാരോഗ്യം, വൈകാരിക ബന്ധങ്ങൾ, പ്രണയം, വിവിധ ലിംഗവിഭാഗങ്ങളും അവരുടെ ലൈംഗിക പ്രത്യേകതകളും,സുരക്ഷിത ലൈംഗിക ബന്ധം, പുനരുത്പാദനാവകാശങ്ങളും കടമകളും, ജനസംഖ്യാനിയന്ത്രണം, ലൈംഗിക സംയമനം തുടങ്ങിയ മനുഷ്യ ലൈംഗികതയുമായി ബന്ധപ്പെട്ട അനവധി പ്രശ്നങ്ങളെല്ലാം സെക്സ് ക്ലാസ്സിന്റെ പരിധിയിൽ വരുന്നു.

അനാവശ്യ ഗർഭധാരണവും എയിഡ്സ്, ഹെർപ്പിസ് മുതലായ ലൈംഗിക രോഗങ്ങളുടെ വ്യാപനം തടയാനും, ശരിയായ കുടുംബാസൂത്രണ മാർഗങ്ങൾ തിരഞ്ഞെടുക്കാനും ലൈംഗിക വിദ്യാഭ്യാസം സഹായകരമായി കണക്കാക്കപ്പെടുന്നു. കുട്ടിക്കാലത്തേ പ്രായത്തിന് യോജിച്ച രീതിയിൽ ശരിയായ ലൈംഗിക വിദ്യാഭ്യാസം നൽകുന്നത് പീഡനശ്രമങ്ങളെ ചെറുക്കുവാനും സഹായകരമാണ് എന്നാണ് വിദഗ്ദർ അഭിപ്രായപ്പെടുന്നത്. ഇതുപോലെ സെക്സ് ക്ലാസ്സെടുക്കാൻ തായ്‌ലൻഡിലെ പട്ടായ ബീച്ചിലെത്തിയതായിരുന്നു പ്രശസ്തനായ റഷ്യൻ സെക്സ് അധ്യാപകൻ അലക്സാണ്ടർ കിറില്ലോ. എന്നാൽ ആകെപെട്ടിരിക്കുകയാണ് കക്ഷി. ഇണയെ എങ്ങനെ പരമാവധി തൃപ്തിപ്പെടുത്താം എന്ന വിഷയത്തെക്കുറിച്ചായിരുന്നു കൂടുതൽ പഠിപ്പിച്ചത്. ഒരു ക്ലാസ്സിന് നാൽപ്പതിനായിരം രൂപയ്ക്കുമേലാണ് ഫീസ്.

ക്ലാസിനെത്തിയവരെ നിരത്തിയിരുത്തി വ്യക്തിഗത വിവരങ്ങൾ ചോദിച്ച് അടുപ്പംകൂടിയശേഷം പതിയെ കിടപ്പറയിലെ പരമാനന്ദത്തെക്കുറിച്ച് ചോദിക്കും. പലർക്കും പരമാനന്ദം ഇതുവരെ അനുഭവപ്പെട്ടിട്ടില്ല. ചിലർക്ക് കിടപ്പറയെന്നു കേട്ടാലേ പേടിസ്വപ്നമായിരുന്നു. എല്ലാം കേട്ടശേഷം പ്രശ്നങ്ങൾക്കുള്ള കാരണങ്ങൾ ഓരോന്നായി വിവരിച്ചുകൊടുത്തു. ഒപ്പം എങ്ങനെ തിരുത്തണമെന്ന ഉപദേശവും. ആവശ്യമുള്ളിടത്ത് സോദോഹരണ പ്രഭാഷണവും ഉണ്ടായിരുന്നു. ട്രിക്കുകൾ പഠിപ്പിച്ച ശേഷം പ്രാക്ടിക്കൽ. അതുംകൂടിയായപ്പോൾ എല്ലാവരും സംതൃപ്തരായി. എല്ലാം കഴിഞ്ഞ് അധ്യാപകൻ പോയപ്പോൾ പോലീസുമെത്തി. അപ്പോഴേക്കും ക്ലാസ്സിൽ പങ്കെടുത്തവരും സ്ഥലം വീട്ടിരുന്നു. സംഘാടകരായ പത്തുപേർ മാത്രമാണ് പിടിയിലായത്. റെയ്ഡിൽ പിടിയിലായവരിൽ നിന്ന് ലഭിച്ച വിവരണത്തിന്റെ അടിസ്ഥാനത്തിൽ പൊലീസാണ് ഈ സൂചന നൽകിയത്. ചിലരുടെ മൊബൈൽ ഫോണുകളും പിടിച്ചെടുത്തിരുന്നു. കിറില്ലോയുടെ നഗ്നമായതും അല്ലാത്തതുമായ നിരവധി ഫോട്ടോകളും വീഡിയോകളും ഇതിലുണ്ടായിരുന്നു. ഇയാൾ പിടിയിലായി എന്നും റിപ്പോർട്ടുകളുണ്ട്.