കശ്മീര് മുതല് കന്യാകുമാരി വരെയുള്ള സംസ്ഥാനങ്ങളില് താമര വിരിയും ; പ്രധാനമന്ത്രി നരേന്ദ്ര മോഡി നടപ്പിലാക്കിയ വികസന പദ്ധതികളുടെ ഫലമാണ് ചരിത്ര വിജയമെന്ന് യോഗി
പ്രധാനമന്ത്രി നരേന്ദ്ര മോഡി നടപ്പിലാക്കിയ വികസന പദ്ധതികളുടെ ഫലമായിട്ടാണ് വടക്കു കിഴക്കന് സംസ്ഥാനങ്ങളില് ബി.ജെ.പിക്ക് ചരിത്ര വിജയം സമ്മാനിച്ചതെന്ന് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. ബി.ജെ.പി അധ്യക്ഷന് അമിത് ഷായുടെ സംഘടനാ വൈദഗ്ധ്യമാണ് പാര്ട്ടിയുടെ മികച്ച പ്രകടനത്തിന് പിന്നിലെന്നും യോഗി കൂട്ടിച്ചേര്ത്തു.
ജനങ്ങളുടെ ആഗ്രഹത്തിന് മുന്ഗണന നല്കിയാണ് ബി.ജെ.പി പ്രവര്ത്തിക്കുന്നത്. കശ്മീര് മുതല് കന്യാകുമാരി വരെയുള്ള സംസ്ഥാനങ്ങളില് താമര വിരിഞ്ഞുകൊണ്ട് അധികാരത്തിലേറുന്ന കാലം അകലെയല്ലെന്നും യോഗി വ്യക്തമാക്കി.
കോണ്ഗ്രസിന്റെ അദ്ധ്യക്ഷ പദവിയില് രാഹുല് ഗാന്ധി എത്തിയ ശേഷം പരാജയം മാത്രമാണ് അവര് നേരിടുന്നത്. ഗുജറാത്തില് നടന്ന തിരഞ്ഞെടുപ്പിനിടെയാണ് രാഹുല് കോണ്ഗ്രസ് അദ്ധ്യക്ഷ സ്ഥാനത്തെത്തിയത്. അതോടെ ബി.ജെ.പിക്ക് ജോലി എളുപ്പമായെന്ന് അദ്ദേഹം പരിഹസിച്ചു.
ഉത്തര്പ്രദേശിലെ ഗോരഖ്പുര്, ഫുല്പുര് ലോക്സഭാ മണ്ഡലങ്ങളിലേക്ക് അടുത്തയാഴ്ച നടക്കുന്ന ഉപതിരഞ്ഞെടുപ്പിലും ബി.ജെ.പി വന് ഭൂരിപക്ഷത്തോടെ വിജയിക്കുമെന്ന് അദ്ദേഹം കൂട്ടിച്ചേര്ത്തു.
https://www.facebook.com/Malayalivartha
