റിലയന്‍സ് ചെയര്‍മാന്‍ മുകേഷ് അംബാനിയുടെയും നിത അംബാനിയുടെയും മൂത്ത മകന്‍ ആകാശ് അംബാനി വിവാഹിതനാകുന്നു. ശതകോടികളുടെ ആസ്തിയുള്ള റോസി ബ്ലു ഡയമണ്ട്‌സ് ഉടമ റസല്‍ മേത്തയുടെ മകള്‍ ശോകയണ് വധു. കമ്പനിയുടെ പ്രധാന ചുമതല വഹിക്കുന്നവരില്‍ ഒരാള്‍ കൂടിയാണ് ശ്ലോക.

ഇരുവരുടെയും വിവാഹക്ഷണക്കത്തിന്റെ വില ഒന്നര ലക്ഷം രൂപ വരും എന്നും സൂചനയുണ്ട്. സ്വര്‍ണ്ണവും വിലയേറിയ കല്ലുകളും കൊണ്ടായിരിക്കും കാര്‍ഡ് ഉണ്ടാക്കുന്നത്. രാജ്യത്തേ ഏറ്റവും വിലയേറിയ ക്ഷണക്കത്താകും ഇത് എന്നും റിപ്പോര്‍ട്ടുകളില്‍ പറയുന്നു. ഒരു ആപ്പിള്‍ ഐ ഫോണ്‍ എക്‌സിന്റെ വിലയ്ക്കു തുല്ല്യമാണ് ക്ഷണക്കത്തിന്റെ വില എന്നും സൂചനയുണ്ട്.

വിവാഹ നിശ്ചയം ഏതാനം ആഴ്ചകള്‍ക്കുള്ളിലും വിവാഹം ഡിസംബറിലും നടക്കും എന്നാണു പറയുന്നത്. ചടങ്ങ് ഇന്ത്യയില്‍ തന്നെ നടത്തുമെന്ന് അടുത്ത ബന്ധുക്കള്‍ പറയുന്നു. നിലവില്‍ റിലയന്‍സ് ജിയോയുടെ ചുമതാലയാണ് ആകാശിന്. എന്നാല്‍ പ്രചരിക്കുന്നത് വ്യാജ വാര്‍ത്തയാണ് എന്നു റിലയന്‍സ് വിശദീകരണം നല്‍കി. ഇരുകുടുംബവും ഈ വാര്‍ത്തയോട് പ്രതികരിച്ചിട്ടില്ല.