ഗുജറാത്തിലെ ഭാവ്​നഗറില്‍ വിവാഹ സംഘം സഞ്ചരിച്ച വാന്‍ കനാലിലേക്ക്​ മറിഞ്ഞ്​​ 28 പേര്‍ മരിച്ചു. 35 ഓളം പേർക്ക് പരിക്കേറ്റതായും റിപ്പോർട്ടുകളുണ്ട്.

വിവാഹ ചടങ്ങിനായി പലിതാനയില്‍ നിന്ന്​ ബോട്ടാഡിലേക്ക്​ പോവുകയായിരുന്നു വാന്‍. യാത്രക്കിടെ നിയന്ത്രണം വിട്ട വാന്‍ പാലത്തില്‍ നിന്ന്​ വരണ്ടു കിടക്കുന്ന കനാലിലേക്ക്​ മറിയുകയായിരുന്നു. അപകടത്തില്‍ വര​ന്‍ വിജയ്​ കോലിയുടെ പിതാവ് മരിച്ചു.

മരിച്ചവരില്‍ ഭൂരിഭാഗവും സ്ത്രീകളും കുട്ടികളുമാണ്. പരിക്കേറ്റവരെ ബോട്ടാഡ്, ഭാവ്നഗര്‍ എന്നിവടങ്ങളിലെ ആശുപത്രികളിലേക്ക് മാറ്റി.