ഐഎന്എക്സ് മീഡിയാ കേസില് സിബിഐ കസ്റ്റഡിയിലെടുത്ത കാര്ത്തി ചിദംബരത്തിന്റ കസ്റ്റഡി കാലാവധി നീട്ടി
ഐഎന്എക്സ് മീഡിയാ കേസില് സിബിഐ കസ്റ്റഡിയിലെടുത്ത കാര്ത്തി ചിദംബരത്തിന്റ കസ്റ്റഡി കാലാവധി സിബിഐ കോടതി 3 ദിവസത്തേയ്ക്ക് കൂടി നീട്ടി. ഐഎന്എക്സ് മീഡിയ അഴിമതി കേസില് കാര്ത്തി ചിദംബരത്തെ കൂടുതല് ദിവസം ചോദ്യം ചെയ്യണമെന്ന് സിബിഐ അറിയിച്ചു.
കാര്ത്തി ചിദംബരത്തെ ഡല്ഹി പട്യാല കോടതിയില് സിബിഐ ഹാജരാക്കി ചോദ്യം ചെയ്യാന് 9 ദിവസം കൂടി കസ്റ്റഡിയില് വേണമെന്ന് സിബിഐ ആവശ്യപ്പെട്ടു. എന്നാൽ ആവശ്യം കോടതി 3 ദിവസമായി കുറയ്ക്കുകയായിരുന്നു. നിലവില് അഞ്ച് ദിവസമായി കാര്ത്തിയെ ചോദ്യം ചെയ്യുകയാണ് സിബിഐ. അതേ സമയം കേസുകള് കെട്ടിച്ചമച്ചതാണന്ന് കാര്ത്തി ചിദംബരം വാദിച്ചു. സിബിഐയും ആദായ നികുതി വകുപ്പും രജിസ്റ്റര് ചെയ്ത കേസുകള് റദാക്കണമെന്ന കാര്ത്തി ചിദംബരത്തിന്റെ ആവശ്യം സുപ്രീംകോടതി തള്ളി.
ഐഎന്എക്സ് മീഡിയ കേസില് ഇക്കഴിഞ്ഞ 28നാണ് കാര്ത്തി ചിന്ദംബരത്തെ സിബിഐ അറസറ്റ് ചെയ്തത്. അച്ഛന് പി ചിദംബരം കേന്ദ്രധനമന്ത്രിയായിരിക്കെ സ്വാധീനം ഉപയോഗിച്ച് ഐഎന്എക്സ് മീഡിയ്ക്ക് അനധികൃതമായി വിദേശ ഫണ്ട് തരപ്പെടുത്തി കൊടുത്തതായാണ് കേസ്. വാദം കേള്ക്കാന് അച്ഛന് പി ചിദംബരവും കോടതിയിലെത്തിയിരുന്നു.
https://www.facebook.com/Malayalivartha
