വ്യോമയാന മന്ത്രാലയത്തിന്റെ ചുമതല സുരേഷ് പ്രഭുവിന്. വാണിജ്യ മന്ത്രാലയത്തിന് പുറമേയാണ് സുരേഷ് പ്രഭുവിന് അധിക ചുമതല നല്‍കിയത്. തെലുങ്കുദേശം പാര്‍ട്ടിയിലെ(ടിഡിപി) അശോക് ഗജപതി രാജു രാജിവച്ചതിനെ തുടര്‍ന്നാണ് തീരുമാനം.ആന്ധ്രപ്രദേശിന് പ്രത്യേക പദവി പ്രഖ്യാപിക്കാത്തതില്‍ പ്രതിഷേധിച്ചാണ് അശോക് ഗജപതി രാജുവും ശാസ്ത്രസാങ്കേതിക സഹമന്ത്രി വൈ.എസ്. ചൗധരിയും രാജിവച്ചത്.
പ്രധാനമന്ത്രിയുടെ വസതിയില്‍ എത്തിയാണ് നരേന്ദ്ര മോദിക്ക് നേരിട്ട് രാജിക്കത്ത് കൈമാറിയത്.