അരവിന്ദ് കേജരിവാളിന്റെ ഉപദേഷ്ടാവ് വി.കെ ജെയ് ന് രാജിവച്ചു
13 MARCH 2018 12:52 PM IST
മലയാളി വാര്ത്ത
ഡല്ഹി ചീഫ് സെക്രട്ടറി അന്ഷു പ്രകാശിനെ കൈയേറ്റം ചെയ്ത സംഭവത്തിന്റെ സാക്ഷിയായ മുഖ്യമന്ത്രി അരവിന്ദ് കേജരിവാളിന്റെ ഉപദേഷ്ടാവ് വി.കെ ജെയ് ന് രാജിവച്ചു. വ്യക്തിപരമായ കാരണങ്ങളാലാണ് രാജിവയ്ക്കുന്നതെന്ന് അദ്ദേഹം പറഞ്ഞു. രാജിക്കത്ത് മുഖ്യമന്ത്രിയുടെ ഓഫീസിനു നല്കിയ വി.കെ ജെയ് ന് ഇതിന്റെ പകര്പ്പ് ലഫ്റ്റനന്റ് ഗവര്ണര്ക്കും അയച്ചു.
അന്ഷു പ്രകാശിനെ കൈയേറ്റം ചെയ്ത സംഭവത്തില് ജയ്നിനെ പോലീസ് ചോദ്യം ചെയ്തതു ദിവസങ്ങള്ക്കു ശേഷമാണ് രാജി. അന്ഷു പ്രകാശിന്റെ കണ്ണട താഴെ വീണ് ഉടയുന്നത് താന് കണ്ടതായി ജെയ്ന് പോലീസിനോട് പറഞ്ഞിരുന്നു. മുഖ്യമന്ത്രി അരവിന്ദ് കേജരിവാളിന്റെ വസതിയില് ഫെബ്രുവരി 19 ന് ആണ് അന്ഷു പ്രകാശിനു മര്ദനമേറ്റ സംഭവം ഉണ്ടായത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
