ആമസോണ്‍ ബേസിക്‌സ് 2,60,000 പോര്‍ട്ടബിള്‍ ചാര്‍ജറുകള്‍ തിരിച്ചുവിളിക്കുന്നു. അമിതമായി ചൂടാവുന്നതിനാല്‍ തീപിടിക്കാന്‍ സാധ്യതയുണ്ടെന്ന് കണ്ടതിനാലാണ് തിരിച്ചുവിളിക്കുന്നതെന്ന് കമ്ബനി അധികൃതര്‍ അറിയിച്ചു.

നിരവധി ആളുകള്‍ ചാര്‍ജറുകള്‍ക്ക് അമിതമായി ചൂടാകുന്നതായി ചുണ്ടിക്കാട്ടി പരാതികള്‍ നല്‍കുകയും ചെയ്തു. ഇത്തരത്തില്‍ പരാതി ലഭിച്ചതിന്റെ കൂടെ പശ്ചാത്തലത്തിലാണ് ഈ പിന്‍വലിക്കല്‍. ബാറ്ററി ആസിഡ് കാരണം ഉപഭോക്താവിന് പൊള്ളലേറ്റതായും പരാതിയുണ്ട്.

ആറ് തരം ചാര്‍ജ്ജറുകളാണ് പിന്‍വലിച്ചത്. 16,100 എംഎഎച്ച്, 10,000 എംഎഎച്ച്, 5,600 എംഎഎച്ച്, 2,000 എംഎഎച്ച് ഒപ്പം മൈക്രോ യുഎസ്ബി കേബിള്‍, 3,000 എംഎഎച്ച് ഒപ്പം മൈക്രോ യുഎസ്ബി കേബിള്‍ എന്നിവയാണ് പിന്‍വലിച്ചിരിക്കുന്നത്.