ആന്ധ്രക്ക് പ്രത്യേക പദവി നല്‍കാത്തതിന്റെ പേരില്‍ എന്‍ഡിഎ സഖ്യത്തില്‍ നിന്നും ടിഡിപി വഴിപിരിഞ്ഞു. ഇതിന് തൊട്ടു പിന്നാലെയാണ് ഒരു തെരഞ്ഞെടുപ്പുമായി ബന്ധപ്പെട്ട് നരേന്ദ്ര മോഡിയും ചന്ദ്രബാബു നായിഡുവും തമ്മില്‍ വേദി പങ്കിടുന്ന വീഡിയോ വൈറലാകുന്നത്. വേദിയിലുള്ള നായിഡുവിനെ കസേരക്കടുത്തേക്ക് വലിച്ചു കൊണ്ടുവന്ന് തന്നോടൊപ്പം ഇരുത്താന്‍ മോഡി ശ്രമിക്കുന്ന വീഡിയോ ആണ് സമൂഹമാധ്യമങ്ങളില്‍ പ്രചരിക്കുന്നത്. ആന്ധ്രയിലെ മെഹബൂബ നഗറില്‍ നടന്ന തെരഞ്ഞെടുപ്പ് പ്രചരണത്തിനിടെയുള്ള വീഡിയോ ആണ് ഇത്. എന്‍ഡിഎ സഖ്യത്തില്‍ നിന്നും ടിഡിപി പിരിഞ്ഞുപോയ അവസരത്തിൽ മോഡി നായിഡുവിനെ കസേരയില്‍ ഇരുത്തുന്ന ദൃശ്യം കൗതുകമാകുകയാണ്.

സംസ്ഥാന വിഭജന കാലത്ത് ആന്ധ്രക്ക് പ്രത്യേക പദവി നല്‍കുമെന്ന്പറഞ്ഞിരുന്നെങ്കിലും, സംസ്ഥാനപദവി ആവശ്യം അംഗീകരിക്കാന്‍ കഴിയില്ലെന്നു കേന്ദ്രമന്ത്രി അരുണ്‍ ജയ്റ്റ്ലി വീണ്ടും വ്യക്തമാക്കുകയായിരുന്നു. തുടർന്ന് എന്‍ഡിഎ വിടാന്‍ ടിഡിപി തീരുമാനിക്കുകയായിരുന്നു.

എന്തായാലും .എന്‍ഡിഎ സഖ്യത്തില്‍ നിന്നും ടിഡിപി പിരിഞ്ഞുപോയ അവസരത്തിൽ പുറത്തുവന്ന ഈ വീഡിയോ സാമൂഹ്യ മാധ്യമങ്ങൾ ഏറ്റെടുത്ത് കഴിഞ്ഞു.